“AFB Bank” böyüyüb - MALİYYƏ GÖSTƏRİCİLƏRİNİ AÇIQLADI

“AFB Bank” böyüyüb - MALİYYƏ GÖSTƏRİCİLƏRİNİ AÇIQLADI

“AFB Bank” böyüyüb - MALİYYƏ GÖSTƏRİCİLƏRİNİ AÇIQLADI

“AFB Bank” ASC 2019-cu ilin yanvar-sentyabr dövrünü (9 ayını) 4 milyon 385 min manat xalis mənfəət ilə başa vurub.

VTB-də minimal faiz dərəcəsi ilə nağd kredit 10.49%-dən

“Marja” Bankın maliyyə hesabatlarına istinadən xəbər verir ki, 2019-cu ilin yanvar-sentyabr dövründə “AFB Bank”ın cəmi gəlirləri 29 milyon 146 min manat, cəmi xərcləri 16 milyon 475 min manat təşkil edib. Bankın gəlirləri xərclərini üstələdiyindən 12 milyon 671 min manat əməliyyat mənfəəti yaranıb. Əməliyyat mənfəətinin 8 milyon 286 min manatı mümkün zərərlər üçün yaradılan məqsədli ehtiyata ayrılıb və nəticədə bank 4 milyon 385 min manat xalis mənfəət əldə edib.

Müqayisə üçün qeyd edək ki, 2018-ci ilin yanvar-sentyabr dövründə “AFB Bank”ın cəmi gəlirləri 34 milyon 866 min manat, cəmi xərcləri 16 milyon 366 min manat və nəticədə əməliyyat mənfəəti 18 milyon 500 min manat təşkil etmişdi. Bank əməliyyat mənfətinin 11 milyon 38 min manatını ehtiyata ayırdığından həmin dövrü 7 milyon 461 min manat xalis mənfəət ilə bağlamışdı.

2018-ci ilin yanvar-sentyabr dövrü ilə müqayisədə 2019-cu ilin yanvar-sentyabr dövründə “AFB Bank”ın qeyri-faiz gəlirləri artıb, faiz xərcləri azalıb. Bankın aşağı xərclə daha böyük məbləğdə əməliyyat mənfəəti əldə etməsi diqqəti cəlb edir.

BANK BÖYÜYÜB, MÜŞTƏRİLƏRƏ VERİLƏN KREDİTLƏR ARTIB

2018-ci ilin sonu ilə müqayisədə “AFB Bank”ın cəmi aktivləri 165 milyon 743 min manat artaraq 30 Sentyabr 2019-cu il tarixində 583 milyon 273 min manata, müştərilərə verilən kreditlər isə 90 milyon 312 min manat artaraq 284 milyon 617 min manata çatıb.

Ötən ilin sonu ilə müqayisədə “AFB Bank”da depozitlər 180 milyon 745 min manat artaraq 382 milyon 656 min manata yüksəlib.

30 Sentyabr 2019-cu il tarixində “AFB Bank” 78 milyon 444 min manat cəmi balans kapitalına malik olub.

01.11.2019 12:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az