"Dünya üzrə gələn 800-dən çox anketin arasından 10 uğurlu startap seçilib ki, onlardan da biri bizim “Buglance” layihəsi idi. “Techstars”a seçilmək özü bir uğurdur. Biz Azərbaycandan olan yeganə komandayıq ki, bu uğuru qazanmışıq". 

Bunu açıqlamasında dəyəri milyonlarla dollarla ölçülən "Buglance" layihəsinin rəhbəri Toğrul Səmədov deyib.

T.Səmədov "Techstars" akseleratoru və layihənin gələcək inkişaf perspektivləri haqqında da danışıb: 

“Techstars” dünyada ilk 3-lüyə daxil olan akseleratordur. Bu vaxta qədər 1 500-dən çox startapa yatırım ediblər. Həmin startaplar hər biri orta hesabla 4 mln. dollar olmaqla, ümumilikdə 6,4 mlrd. dollar yatırım əldə edib. Biz “Buglance”ı 2 il öncə yaratmışıq və indiyə qədər 435 min ABŞ dolları civarında investisiya əldə etmişik. “Techstars”a da daxil olan hər bir startapa şirkəti növbəti mərhələyə keçirmək üçün 3 ay müddətində intensiv mentorluq proqramı keçirilir. Həmçinin proqramın sonunda, "Demo" günündə bütün dünyadan, xüsusən də ABŞ –dan olan investorlar sərmayə yatırması üçün dəvət edilir. Proqramdan sonra uğurlu startaplar daha çox sərmayə qazanmış olur".

Şirkət rəhbəri deyib ki, mobil tətbiqlərin test edilməsi ilə məşğul olan startapın əsas əməkdaşları azərbaycanlılardır: “Buglance” mobil tətbiqlərin (application) test edilməsi ilə məşğul olan şirkətdir. Əksər hissəsi azərbaycanlılardan ibarət olan 15 nəfərlik komanda üzvü var. Komandada Türkiyə, Rusiya, Almaniya və Belarusdan olan üzvlər də var".

T.Səmədov "Buglance" layihəsinin bazar dəyərindən də danışıb: "Bundan öncə mən “Fatal fight” adlı mobil oyun hazırlamışdım. Bu oyunu 5 mln. dəfədən çox yükləmədən sonra Estoniyadan olan "İtech Media Solutions" şirkətinə satmışdıq. “Buglance”ın ideyası o zaman yəni, "Fatal figt" oyununda qarşılaşdığımız problemləri çözməyə çalışarkən yaranıb. "Fatal Fight" oyununun yeganə investoru olan Məmməd Ələkbərov “Buglance” layihəsinin də ideyasına inanıb, digər 5 investorlarla birlikdə yatırım edib. Hazırda şirkətimiz Dubayda yerləşir. Müştərilərimiz isə dünyanın müxtəlif ölkələrindədir. Hal hazırda, “Buglance”da 28 mindən çox tester var ki, onlar da bu vaxta qədər 15 minə yaxın “bug” aşkar edib. Bütün bunlar isə 4 minə yaxın cihazdan aşkar olunub. Şirkət hazırda 5 mln. dollar məbləğində qiymətləndirilir". 

PULSUZ SEMİNARA QATIL, QAZANMAĞI ÖYRƏN!

©  "Report"