Əlillik təyin olunanların sayında böyük azalma

Əlillik təyin olunanların sayında böyük azalma

Əlillik təyin olunanların sayında böyük azalma

-Cari ilin III rübündə bu ilin ilk rübünə nisbətən ilkin əlillik 61,3 faiz azalıb

VTB-də yüksək depozit faizləri daha çox qazandırır

-Birinci qrup ilkin əlillik təyin olunanların sayında azalma 75,8 faizə çatıb

2018-ci ilin III rübündə əlillik təyin olunanların, həmçinin 18 yaşadək sağlamlıq imkanları məhdud uşaqların (SİMU) sayında bu ilin birinci rübünə nisbətən 61,3 faiz azalma olub. Əmək və Əhalinin Sosial Müdafiəsi Nazirliyindən “Marja”ya daxil olmuş məlumata görə, ikinci rüb ilə müqayisədə isə əlillik təyinatında azalma 20 faiz təşkil edib.

O cümlədən, ilkin olaraq I qrup üzrə əlillik təyinatlarında 75,8 faiz, II qrup üzrə 62,3 faiz, III qrup üzrə 51,9 faiz, SİMU üzrə 55 faiz azalma qeydə alınıb.

YAPI KREDİDƏN 3 FAİZ ENDİRİMLƏ KREDİT!

Qrup	2018-ci il III rüb	2018-ci il I rübə nisbətən azalma	2018-ci il II rübə nisbətən azalma
I qrup	375	75,84%▼	36,87%▼
II qrup	1990	62,27%▼	18,38%▼
III qrup	696	51,93%▼	22,49%▼
SİMU	995	55,00%▼	11,71%▼
Cəmi	4056	61,32%▼	19,79%▼

Əlillik təyinatlarına nəzarətin gücləndirilməsi və bu sahənin şəffaflaşdırılması istiqamətində Əmək və Əhalinin Sosial Müdafiəsi Nazirliyi və Səhiyyə Nazirliyi tərəfindən birgə işlər davam etdirilir. Xüsusilə də yanlış əlillik təyinatlarının və əlillik təyinatı üçün əsassız göndərişlərin aşkar olunaraq ləğv edilməsi nəticəsində əlilliyin artım tempi bu il əhəmiyyətli şəkildə azalıb.

Əlilliyi olan şəxslərin reabilitasiya potensialının düzgün qiymətləndirilməsi əsasında onların sağlamlıqlarının bərpasında və cəmiyyətə inteqrasiyasında konkret nəticələrə yönələn fərdi reabilitasiya proqramının tətbiqi də qarşıda duran vəzifələrdəndir.

16.11.2018 07:26

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az