Yasamalda binalar və məktəbin tikintisi üçün podratçılar seçilir

Yasamalda binalar və məktəbin tikintisi üçün podratçılar seçilir

Yasamalda binalar və məktəbin tikintisi üçün podratçılar seçilir

Azərbaycan Respublikasının Mənzil İnşaatı Dövlət Agentliyinin tabeliyində “MİDA” MMC Bakının Yasamal rayonunda çoxmənzilli yaşayış kompleksinin tikintisi çərçivəsində podratçılar seçir.

VTB-də minimal faiz dərəcəsi ilə nağd kredit 9.9%-dən

Bu barədə cəmiyyətin elanında deyilir.

Seçim açıq tender metodu ilə 7 lot üzrə həyata keçirilir.

ELƏ İNDİCƏ 3% ENDİRİMLƏ KREDİT ƏLDƏ ET

Tenderin şərtlərinə görə, görüləcək işlərin həcminə 1 nömrəli 9 mərtəbəli 2 bloklu, 2 nömrəli 9 mərtəbəli 2 bloklu və 3 nömrəli 12 mərtəbəli 1 bloklu yaşayış binalarının tikintisi (lot 1), 4 nömrəli 9 mərtəbəli 2 bloklu, 5 nömrəli 9 mərtəbəli 2 bloklu və 6 nömrəli 12 mərtəbəli 1 bloklu yaşayış binalarının tikintisi (lot 2), 17, 18, 19 və 20 nömrəli 12 mərtəbəli 1 bloklu yaşayış binalarının və 100 yerlik uşaq bağçasının tikintisi (lot 3), 1200 şagird yerlik tam orta məktəb binasının tikintisi və avadanlıqlarla təchiz edilməsi (lot 4), 21 nömrəli 12 mərtəbəli 1 bloklu, 22 nömrəli 9 mərtəbəli 2 bloklu və 23 nömrəli 9 mərtəbəli 2 bloklu yaşayış binalarının tikintisi (lot 5), 24 nömrəli 12 mərtəbəli 1 bloklu, 25 nömrəli 9 mərtəbəli 2 bloklu və 26 nömrəli 9 mərtəbəli 2 bloklu yaşayış binalarının tikintisi (lot 6), Ərazinin şaquli planlaşdırılması, yollar, səkilər və velosiped yollarının çəkilməsi (lot 7) daxildir.

Tenderdə iştirak haqqı 1, 2, 3, 4, 5, 6-cı lotlar üzrə 900 manat, 7-ci lot üzrə 800 manatdır.

Tender təklifləri 2018-ci il dekabrın 20-dək qəbul olunur. Tender proseduru dekabrın 21-də baş tutacaq.

Xəbər verildiyi kimi, 2016-cı il dekabrın 24-də Yasamal rayonu ərazisində yeni yaşayış kompleksinin təməli qoyulub.

Ümumi sahəsi 15 hektar olan kompleks 29 çoxmənzilli yaşayış binasından ibarət olacaq. Onların 17-si ikibloklu 9 mərtəbəli bina, 12-si isə birbloklu 12 mərtəbəli bina olacaq.

Bundan əlavə, kompleksin ərazisində 1200 yerlik orta ümumtəhsil məktəbi və uşaq bağçası da tikiləcək.

YATIRIMDA QAZANMAĞI ÖYRƏNMƏK ÜÇÜN SEMİNARA QATIL

12.11.2018 09:27