Dünyanın ən nüfuzlu müstəqil araşdırma mərkəzlərindən biri olan "İnterbrand"ın hazırladığı "Ən Dəyərli 100 Qlobal Marka" reytinqinə görə, "Hyundai", marka dəyərini keçən illə müqayisədə 3% artırıb. "Hyundai" markası, Ferrari, Land Rover, Porsche, Audi, Volkswagen, Nissan və KIA kimi markalarını geridə qoyaraq dünyanın ən dəyərli 36-cı markası olub.

"Marja" xəbər verir ki, 2018-ci ildə "Hyundai" markasının dəyəri 13 milyard 535 milyon dollara çatıb. 10 il əvvəl, 2008-ci ildə, Hyundai markasının dəyəri 5 milyard dollardan aşağı (4 milyard 846 milyon dollar) idi.

Artıq "Hyundai", 4 ildir ki, ardıcıl olaraq dünyanin ən dəyərli 40 markası sırasında yer alır. Həmçinin "Hyundai", avtomobil markaları sırasında 14 il ərzində Top10-luğa daxil olur.

"Interbrand"ın araşdırma nəticələrinə görə, "Hyundai" müştəriləri, münasib qiymət, yüksək rahatlıq, yüksək keyfiyyət və praktik istifadə xüsusiyyətləri ilə birlikdə brendlə aralarında yaranan emosional əlaqəyə də əhəmiyyət verirlər.

"Interbrand" haqqında

1974-cü ilə qurulan "İnterbrand", dünyanın ən böyük marka məsləhət agentliklərindən biridir. Şirkətin 27 ölkədə təxminən 40 ofisi var. "interbrand", hər il dərc etdirdiyi "Ən Yaxşı Qlobal Brendlər" hesabatı ilə tanınır. "İnterbrand”, bir şirkətin aktivlərini, gəlirliliyini, şirkətlərin markalı məhsul və xidmətlərini, istehlakçıların satınalma qərarına brendin təsirini və rəqabət qabiliyyətini nəzərə alaraq dəyərini hesablayır.

“Hyundai” haqqında

"Hyundai Motor Company", hazırda avtomobil istehsalı, mühəndislik, inşaat, gəmiqayırma, polad, neft-kimya, maşınqayırma, aviasiya, elektronika və maliyyə kimi bir çox sektorda fəaliyyət göstərən "Hyundai" Şirkətlər Qrupunun ən böyük və ən mühüm qollarından biridir. 1967-ci ildə qurulan "Hyundai Motor Company" bu gün avtomobil istehsalında Koreyanın mübahisəsiz lideri, dünyanın isə aparıcı avtomobil istehsalçılarından biridir.

Ən dəyərli 16 avtomobil markası