Xaricdən avtomobil alışımız sürətlə artır

Xaricdən avtomobil alışımız sürətlə artır

Xaricdən avtomobil alışımız sürətlə artır

2018-ci ilin yanvar-avqust ayları ərzində (8 ayda) Azərbaycana 14 min 34 ədəd nəqliyyat vasitəsi idxal olunub.

"Marja" Dövlət Gömrük Komitəsinin hesabatına istinadən xəbər verir ki, nəqliyyat vasitələrinin idxalı ötən ilin eyni dövrü ilə müqayisədə 2,5 dəfə artıb. 2017-ci ilin 8 ayında Azərbaycanda 5 min 662 ədəd nəqliyyat vasitələri idxal olunmuşdu.

VTB-də yüksək depozit faizləri daha çox qazandırır

Ötən ilin yanvar-avqust ayları ilə müqayisədə bu ilin yanvar-avqust aylarında minik avtomobillərinin idxalı 4 min 874 ədəddən 12 min 525 ədədə qalxıb (2,6 dəfə artım).

Cari ilin Avqust ayında idxal edilmiş cəmi nəqliyyat vasitələrinin sayı 2 min 334 ədəd təşkil edib. İyunda bu say 2 min 294 ədəd, İyulda isə 2 min 112 ədəd olmuşdu.

Cari ilin Avqust ayında idxal edilmiş minik avtomobillərinin sayı 2 min 123 ədəd təşkil edib. İyunda bu say 2 min 21 ədəd, İyulda isə 1917 ədəd idi.

2018-ci ilin yanvar-avqust ayları ərzində ölkəyə gətirilmiş avtomobillərin 100 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 12 525 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1 332 ədədi yük daşımaq üçün motorlu nəqliyyat vasitələri, 77 ədədi isə xüsusi təyinatlı motorlu nəqliyyat vasitələridir.

PULSUZ SEMİNARA QATIL, QAZANMAĞI ÖYRƏN!

Malın adı	Miqdarı (ədəd) 2017-ci ilin 8 ayı ərzində	Miqdarı (ədəd) 2018-ci ilin 8 ayı ərzində
Cəmi idxal olunmuşdur o cümlədən:	5 662	14 034
Sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri	134	100
Əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri	4 874	12 525
Yük daşımaq üçün motorlu nəqliyyat vasitələri	603	1 332
Xüsusi təyinatlı motorlu nəqliyyat vasitələ	51	77