“Azər Türk Bank” mənfəətlə işləməkdə davam edir. Diqqəti cəlb edən, müştərilərə verilən kreditlərin artmasıdır.

“Azər Türk Bank” ASC  2018-ci ilin birinci yarısını 352 min 782 manat xalis mənfəətlə başa vurub. Müqayisə üçün qeyd edək ki, Bank 2017-ci ilin birinci yarısında 1 milyon 431 min manat xalis mənfəət əldə etmişdi.

“Marja” Bankın maliyyə hesabatlarına istinadən xəbər verir ki, “Azər Türk Bank”ın faiz gəlirləri 2018-ci ilin birinci yarısında ötən ilin eyni dövrü ilə müqayisədə 14% azalaraq 8 milyon 112 min manat təşkil edib. Bank 2017-ci ilin birinci yarısında 9 milyon 427 min manat faiz gəliri əldə etmişdi.

“Azər Türk Bank”ın qeyri-faiz gəlirləri 2018-ci ilin birinci yarısında ötən ilin eyni dövrü ilə müqayisədə 7,5% azalaraq 5 milyon 51 min manat təşkil edib. Bank 2017-ci ilin birinci yarısında 5 milyon 459 min manat qeyri-faiz gəliri əldə etmişdi.

Birinci yarım ildə ehtiyatların 1 milyon 15 min manatı azad olub və gəlirə əlavə edilib.

Bankın 8 milyon 952 min manat əməliyyat mənfəətinə qarşı inzibati xərcləri 8 milyon 598 min manat təşkil edib. Nəticədə 353 min manat xalis mənfəət yaranıb.

KREDİT PORTFELİ ARTIB

30 İyun 2018-ci tarixində “Azər Türk Bank” 313 milyon 744 min manat cəmi aktivlərə (o cümlədən 133 milyon 220 min manatı müştərilərə verilmiş kreditlər) malik olub. Ötən ilin eyni dövründə Bank 309 milyon 429 min manat cəmi aktivlərə (o cümlədən 126 milyon 274 min manatı müştərilərə verilmiş kreditlər) malik idi. Bankın aktivləri 1,4%, kredit portfeli isə 5,5% artıb.

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Müqayisə olunan dövrdə Bankın öhdəlikləri 253 milyon 352 min manatdan 259 milyon 164 min manata yüksəlib.Bankda, banklar və maliyyə müəssisələri qarşısında öhdəliklər artıb, müştəri hesabları azalıb.

30 İyun 2018-ci il tarixində “Azər Türk Bank”  53 milyon 313 min manat məcmu kapitala malik olub.Bank öən ilin eyni dövründə 54 milyon 811 min manat məcmu kapitala malik idi. 

 “Azər Türk Bank” ASC-nin səhmlərinin 75 faizi Azərbaycan dövlətinə məxsusdur.