Bu şirkət avtomobil çatdıra bilmir - AZƏRBAYCANDA

Bu şirkət avtomobil çatdıra bilmir - AZƏRBAYCANDA

Bu şirkət avtomobil çatdıra bilmir - AZƏRBAYCANDA

Azərbaycanda Mercedes-Benz-in satışları pis deyil.

VTB-də yüksək depozit faizləri daha çox qazandırır

Azərbaycanda “Daimler AG”nin Baş Nümayəndəliyi “Avtokapital – Azərbaycan” MMC-nin Baş direktoru Eldəniz Məmmədov “Marja”ya bildirib ki, 2017-ci ildə satışlar yenidən canlanıb, əsasən iş adamları yeni Mercedes modellərini almaq üçün növbəyə yazılırlar:

“Biz avtomobilləri istehsalçıdan müəyyən kvota ilə alırıq. Artıq bir neçə ay üzrə öncədən xeyli sifarişlər almışıq. Tələb böyükdür, avtomobil çatdıra bilmirik”.

Eldəniz Məmmədov qeyd etdi ki, Dollar və Avronun qalxması avtomobilləri bahalaşdırsa da, Mercedes-Benz müştəriləri üçün önəmli olan qiymət deyil:

“Əvvəllər banklar kreditləri həvəslə verər zaman çoxları Mercedes-Benz avtomobillərini alıb sürə bilirdilər. Bu gün isə Mercedes-Benz avtomobilini imkanı olanlar ala bilir. Mercedes-Benz sürmək, keyfiyyət və komfort ilə bərabər bir statusdur”.

“MERCEDES BENZ ALANLAR UDUZMURLAR”

Şirkətin Baş direktoru qeyd etdi ki, digər brendlərin avtomobillərindən fərqli olaraq Mercedes-Benz modellərinin təkrar bazar qiyməti sürətlə aşağı düşmür:

“Başqa modellərin avtomobillərini aldıqdan sonra dəyəri 2 ildən sonra təxminən 40% aşağı düşür. Yeni Mercedes avtomobilinin isə iki ildən sonra qiyməti heç 10% düşmür. Mercedes-Benz alanlar uduzmurlar”.

Eldəniz Məmmədov əlavə etdi ki, “Avtokapital – Azərbaycan” şirkəti ən çox avtomobili 2015-ci ildə satıb. 2016-cı ildə satışlarda azalma olsa da, 2017-ci ildə satışların yenidən artıma keçəcəyi gözlənilir.

Qeyd edək ki, “Avtokapital – Azərbaycan” şirkətinin idxal etdiyi Mercedes-Benz avtomobillərinin və ehtiyat hissələrinin satışı ilə dilerləri (Abşeron Avtomobil Mərkəzi, AutoStar Kukasus və UEI Transport) məşğul olur.

08.02.2017 07:39

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az