Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə  dəstəyi ilə “Ekoloq-2010” Ekoloji Maarifləndirmə İctiami Birliyi tərəfindən icra olunan olunan  “İnsan ekologiyası: Narkomaniya cənublu məktəblilərin gözü ilə” adlı rəsm müsabiqəsi və sərginin təşkili”  layihəsi sona  çatmaq üzrədir.

İctiami Birlikdən verilən məlumatda  qeyd olunur ki, aprel ayından  icra olunan  layihə əsasən ölkəmizin cənub bölgəsində- Lerik, Astara və Lənkəran rayonlarının  seçilmiş məktəblərində  həyata keçirilib.  Layinənin birinci mərhələsi  çərçıvəsində  Lerik rayonu 3 saylı  tam orta məktəbi, Astara  rayon M.Ə.Sabir adına 1 saylı  tam orta məktəbi və Lənkəran şəhər 10 saylı tam orta məktəbində  yuxarı sinif şagirdlərin iştirakı ilə narkomaniyaya qarşı mübarizə mövzusunda maarifləndirici seminar və rəsm müsabiqəsi   təşkil olunub. Tədbirlərdə çıxış edən natiqlər- «Ekoloq-2010» Ekoloji Maarifləndirmə İctiami Birliyinin sədri Səlim Balayev, layihə üzrə ekspert Zəfər Miriyev, Ekologiya və Təbii Sərvətlər Nazirliyinin cənub regionu üzrə 1 saylı Ərazi bölməsinin mütəxəssisi Ramin Quliyev  və başqaları  müasir dövrümüzdə insanlıq üçün böyük bəlaya çevrilən narkomaniyanın bütün dünyada geniş yayıldığını, bu problemlə mübarizəyə dünya dövlətlərinin və  nüfuzlu beynəlxalq təşkilatların cəlb olunduğunu bildiriblər. Təəssüflə qeyd edilib ki, müasir dünya üçün ağrılı bəlaya çevrilmiş narkomaniya Azərbaycan vətəndaşlarından da yan keçməyib. Gənclər və yeniyetmələr arasında narkotiklərə aludəçilik halları ölkəmiz üçün də narahatedici problem olaraq qalmaqdadır. Rəsmi statistik məlumatları nəzər yetirdikdə , belə aydın olur ki, narkotik  vasitə istifadəçilərin əksəriyyəti yeniyetmələr və gənclərdir. Mütəxəssislərin fikrincə  onları təsir altına salmaq daha asan olur. Xüsusən də yuxarı sinif şagirdləri ailədə olan maddi problemlər, özünə inamsızlıq, stress, depressiya kimi hallardan yollarını daha tez azırlar, bu zaman isə onlar çıxış yolunu narkotik maddələrdən istifadədə görürlər. Odur ki,  bu sahədə  təbliğatın, məlumat xarakterli fəaliyyətlərin böyük  rolu vardır.

Maarifləndirici seminarların ardından məktəblilər arasında narkomaniyaya qarşı mübarizə mövzusunda  rəsm müsabiqəsi elan olunub. Şagirdlərə  narkomaniya ilə mübarizəyə dair təsəvvürlərini əks etdirmək üçün rəsm ləvazimatları paylanılıb. Məktəblilər böyük həvəslə bu layihədə  iştirak ediblər.

Müsabiqənin şərtinə uyğun olaraq, hər məktəbdən mövzunu daha çox əhatə edə bilmiş 10 şagirdin rəsm işi seçilərək yekun mərhələ üçün ayrılüb. Layihənin yekunu olaraq Lənkəranda  hər üç məktəbin şagirdlərinin əl işlərindən ibarət sərgi təşkil  olunub. Sərgidə  30-dan artıq rəsm nümayiş  etdirilib. Tədbirdə  layihədə iştirak etmiş məktəblərin rəhbərliyi, müəllim və şagird kollektivləri iştirak edib. Münsiflər heyətinin qərarı ilə Lerik rayonundan Dünarə Kişiyeva, Çiçək Rəcəbova və Kənan Əlizadə, Astara rayonundan Gülnar Abıyeva, Şəfa Məlikzadə və Riyad Rzayev, Lənkərandan isə Nurlana Əmirli, Nərmin Abdullazadə və Fatimə Əsədlinin əl işləri daha çox fərqləndiyi üçün onlara xüsusi xatirə hədiyyələri verilib.  Həmçinin, əl işləri sərgilənən bütün məktəblilərə sertifikatlar təqdim edilib.