4 bank mənfəət vergisini vaxtından əvvəl ödəyib

4 bank mənfəət vergisini vaxtından əvvəl ödəyib

4 bank mənfəət vergisini vaxtından əvvəl ödəyib

Azərbaycanda fəaliyyət göstərən 30 bankdan 4-ü mənfəət vergisi ödəmək üçün ilin sonunu gözləməyib.

Bunlar "Kapital Bank", "PAŞA Bank", "Azərbaycan Sənaye Bankı" və "Yapı Kredi Bank Azərbaycan"dır. Adları çəkilən banklar bu ilin yanvar-mart aylarında dövlət büdcəsinə müvafiq olaraq 5,916 milyon manat, 1,132 milyon manat, 375 min manat və 301 min manat, ümumilikdə 7,724 milyon manat mənfəət vergisi ödəyiblər.

AYDA 1850 MANAT ÖDƏNİŞLƏ PREMİUM MƏNZİL!

Qalan 26 bank isə bu məsələni ilin sonuna saxlayıb. Bunlardan 7-si I rübü zərərlə başa vurmuş "Access Bank", "AGBank", "Amrah Bank", "Bank VTB Azərbaycan", "Muğan Bank", "Nikoyl Bank" və "Turan Bank"dır ki, onların mənfəət vergisi ödəməməsi təbiidir.

2 bank mənfəət vergisi ödəmələrini 100% azaldıb

"Azərbaycan Beynəlxalq Bankı" (ABB) istisna olmaqla ölkədə fəaliyyət göstərən 29 bankdan 4-ü bu ilin yanvar-mart aylarında mənfəət vergisi ödəyib ki, bunlardan da 2-də sözügedən göstərici ötən ilin eyni dövrü ilə müqayisədə çox olub.

Bunlar "PAŞA Bank" (21,8 dəfə) və "Azərbaycan Sənaye Bankı"dır (0,8%).

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Digər 2 bankdan 1-i - "Kapital Bank"ın mənfəət vergisi ödəmələri illik müqayisədə 22,1% azalıb. 1 bank - "Yapı Kredi Bank Azərbaycan" isə ötən ilin I rübündə vergi ödəmədiyi üçün onun mənfəət vergisi ödəmələrinin dinamikasını hesablamaq mümkün olmayıb.

1 il bundan əvvəl müxtəlif məbləğlərdə mənfəət vergisi ödəmiş "Bank VTB Azərbaycan" və İran Milli Bankının Bakı filialı isə bu ilin ilk 3 ayında vergi ödəməyiblər. Rusiya bankının törəməsi I rübü zərərlə başa vurub, yəni vergiyə pul ayırmaması təbiidir, İran bankı isə mənfəətlə işləsə də, vergi ödəmək məsələsini ilin sonuna saxlayıb. Odur ki, bu bankların mənfəət vergisi ödəmələri 100% azalıb.

Qalan 24 bank isə həm bu ilin yanvar-mart aylarında, həm də ötən ilin eyni dövründə mənfəət vergisi ödəməyiblər. Odur ki, həmin bankların da vergi ödəmələrinin dinamikasını hesablamaq mümkün olmayıb.

16.05.2018 06:50

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az