Yüklərin gömrükdə saxlanıldığı barədə şikayətlər davam edir

Yüklərin gömrükdə saxlanıldığı barədə şikayətlər davam edir

Yüklərin gömrükdə saxlanıldığı barədə şikayətlər davam edir

Xaricdən alınan yüklərin və bağlamaların gömrükdə saxlanıldığı barədə şikayətlər azalmır.

VTB-də yüksək depozit faizləri daha çox qazandırır

Türkiyədən Azərbaycana karqo daşımaları həyata keçirən "Polar Kargo" şirkətinin yüklərinin də gömrükdə saxlanıldığı bildirilir. Bu barədə "Marja"ya şirkətin müştərisi Tomris Fərəcova məlumat verib.

""Polar Kargo" sonuncu dəfə 19 Yanvar 2018-ci il tarixində götürdüyü sifarişləri 3 həftədən çoxdur müştərilərinə çatdıra bilmir. Nə şirkət, nə də Gömrük bizə səbəbləri izah etmir. Ən pis tərəfi budur ki, məhsullarımızı nə vaxt götürə biləcəyimizi də demirlər. Məhsullar fərdi olaraq sifariş etdiyimiz geyim və ayaqqabılardır.

Dövlət Gömrük Komitəsinə onlayn şəkildə müraciət etmişik. Cavab verməyiblər. Əlavə olaraq Bakı şəhər Baş Gömrük Komitəsi ilə telefonla da əlaqə saxlamağa çalışırıq. İdarənin telefonlarına da cavab verilmir".

Xatırladaq ki, Dövlət Gömrük Komitəsinin sədri Aydın Əliyev, Azərbaycana poçt bağlamalarının və yüklərin daşınması ilə məşğul olan bir neçə şirkətin gətirdikləri malların gömrükdə saxlanılmasının problemli mallar ilə əlaqədar olduğunu bildirmişdi:.

"Çətinliklə qarşılaşan şirkət yoxdur, sadəcə problemli mallar var. Nə qədər izah etməyimizə baxmayaraq, elektoşoker, beşbarmaq, xüsusi müşahidə aparmaq funksiyasına malik olan video saatlar və s. sifariş edilir.

Biz heç bir şirkətə problem yaratmırıq. Problem yaradan özləridir. Çünki düzgün izah işləri aparmırlar. Qazanc naminə qanunsuz malları qəbul edirlər”.

Jurnalistlərdən birinin, “Verilən məlumata görə adi mallar, məsələn uşaq paltarları da gömrükdə saxlanılıb” deməsinə Gömrüyün sədri aşağıdakı şəkildə cavab vermişdi:

“Həmin adama deyin saytımıza yazsın. Mən 1 saat-dan sonra işdə olacam, tapşırıq verəcəm ki, araşdırılsın. Həmçinin ola bilsin ki, həmin şəxs ay ərzində bir neçə dəfə mal sifariş edib, limiti keçdiyindən sistem rüsumsuz buraxmır”.

06.02.2018 10:31

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az