AZAL aviabiletlərin qiymətini artırmağı planlaşdırmır

AZAL aviabiletlərin qiymətini artırmağı planlaşdırmır

AZAL aviabiletlərin qiymətini artırmağı planlaşdırmır

“Azərbaycan Hava Yolları” (AZAL) QSC-nin biletlərinin qiymətinin artırılması məsələsi hazırda aktual deyil. Bunu Dövlət Mülki Aviasiya Administrasiyasının (DMAA) direktoru Arif Məmmədov bu gün parlamentin İqtisadi siyasət, sənaye və sahibkarlıq komitəsinin iclasında deyib.

“Bu gün AZAL hər reys üçün 17-dək qiymət variantı təklif edir və bu variantların hər birinin öz şərtləri var. Biletlərin qiymətinin artırılması məsələsi aktual deyil”, - deyə o, komitə üzvləri tərəfindən AZAL-ın fəaliyyətinin tənqid edilməsinə cavab olaraq bildirib.

Direktor etiraf edib ki, xərclər (o cümlədən aeroportun saxlanması xərcləri) artsa da, şirkət kifayət qədər gəlir əldə etmir.

«İnhisarçılığa gəlincə isə, Nazirlər Kabinetinin qərarı var, loukoster yaradılır. Bundan başqa, bu gün Azərbaycana və Azərbaycandan beynəlxalq uçuşların 52%-i xarici şirkətlərin, 48%-i AZAL-ın, uçuşların əksəriyyəti isə MDB ölkələrinin payına düşür», - deyə A.Məmmədov qeyd edib.

Onun sözlərinə görə, Azərbaycan xarici şirkətlərə ölkə regionlarına reyslərin sayını artırmağı təklif edir. «Bu gün DMAA 68 ölkə ilə uçuşların həyata keçirilməsinə dair saziş imzalayaraq razılaşdırıb. Lakin cəmi 22 ölkə ilə havaa əlaqəsi yaradılıb. Əgər hansısa şirkət Azərbaycana uçuşlar təşkil etmək istəsə, qapılarımız onun üzünə açıqdır», - deyə o vurğulayıb.

23.01.2017 06:21