Naftalanda yeni otel istifadəyə veriləcək

Naftalanda yeni otel istifadəyə veriləcək

Naftalanda yeni otel istifadəyə veriləcək

Yeni oteldə 55 nəfər daimi işlə təmin ediləcək

Naftalan şəhərində on birinci istirahət-sağlamlıq mərkəzinin təmir-tikinti və yenidənqurma işlərinə başlanılıb.

Bu barədə Naftalan Şəhər İcra Hakimiyyətindən məlumat verilib.

Bildirilib ki, sahibkarlıq fəaliyyətinin dəstəklənməsi, əhalinin məşğulluğunun təmin edilməsi, yeni iş yerlərinin açılması məqsədilə Prezident İlham Əliyev tərəfindən verilən tapşırıqların icrası çərçivəsində Naftalan şəhərində mühüm tədbirlərin həyata keçirilməsi davam etdirilir. Bu məqsədlə iqtisadiyyatının əsasını turizm sektorundan gələn gəlirlər təşkil edən Naftalanda turizm fəaliyyəti ilə məşğul olmaq istəyən sahibkarlara həm münbit şərait yaradılıb, həm də son illər beynəlxalq turizm mərkəzlərindən birinə çevrilən şəhərin infrastrukturu yenidən qurulub.

Qeyd edilib ki, 2017-ci ilin iyulunda fərdi sahibkar tərəfindən köhnə Naftalan mehmanxanasında əsaslı təmir və yenidənqurma işlərinə başlanılıb. Hazırda əsaslı təmir və yenidənqurma prosesinin davam etdiyi binada tikinti işləri “AM.M. LİNE” MMC tərəfindən həyata keçirilir. Ümumi sahəsi 4 min 71 kvadratmetr olan “Naftalan Inn otel and SPA” 10 mərtəbədən, 81 otaqdan ibarətdir. 2018-ci ilin noyabrında istifadəyə veriləcək oteldə 55 nəfərin daimi işlə təmin olunması nəzərdə tutulub. Naftalanın mərkəzində yerləşən oteldə yenidənqurma işləri yekunlaşdıqdan sonra bina həm də özünün müasir görkəmi ilə şəhərin ümumi görünüşünə xüsusi gözəllik bəxş edəcək.

Son illərin statistikası göstərir ki, Naftalan nefti ilə müalicə olunmaq və ya istirahət etmək üçün şəhərə gələn yerli və xarici turistlərin sayı ildən-ilə artır. Hazırda Naftalanda fəaliyyət göstərən üç və beşulduzlu 10 sanatoriya, istirahət və müalicə mərkəzinin hamısı turistlərlə doludur. Müalicə və istirahət, eləcə də əyləncə üçün yüksək şəraitin yaradıldığı bu turizm mərkəzlərində gün ərzində 2200 qonağı qarşılamaq və onlara xidmət göstərmək mümkündür.

21.11.2017 18:31

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az