Manat belə “üzür”

Manat belə “üzür”

Bu gün günorta saatlarından sonra bir sıra banklar Dolların satış qiymətini aşağı salıblar.

“Marja” xəbər verir ki, səhər saatlarında 1 dolları 1.8840 manatdan satan AccessBank, günortadan sonra Dolları 1.8670 manata satmağa başlayıb. AccessBank 200 dollar limitlə Dollar satışı həyata keçirir.

Səhər saatlarında 1 dolları 1.8700 manatdan satan Unibank günortadan sonra satış qiymətini 1.8600 manata endirib. Unibank 3000 dollar limitlə Dollar satışı həyata keçirir.

Dolların satış qiymətini, Yapı Kredi Bank Azərbaycan 1.8939 manatdan 1.8760 manata, AFB Bank 1.8760 manatdan 1.8650 manata, NBC Bank 1.88 manatdan 1.87 manata endirib.

Dünən Bank Respublika Dolların satış qiyməti 1.8720 manatdan1.86 manata endirmişdi.

Yuxarıda adı çəkilən bankların Dolların satış qiymətini aşağı salmaları digər bankların Dolları 1.86-1.87 manat səviyyələrində satmaları və Dollara tələbin gözlənilən qədər yüksək olmamasıdır.

Banklar Dolların alış qiymətini az da olsa qaldırıblar.

Qeyd edək ki, “qara bazar” Dolları 1.82 manatdan alıb, 1.88 manatdan satırdı. Bankların Dolların alış qiymətini artırması və satış qiymətini aşağı salması dollar alverçiləri üçün meydanı kiçildir.

Qeyd edək ki, Bank Respublika 1.86 manatdan məhdudiyyətsiz, Azər Türk Bank 1.8650 manatdan 10 min dollar limitlə, Kapital Bank 1.8720 manatdan 5000 dollar limitlə və s. dollar satışı həyata keçirirlər.

13.01.2017 12:07