Azərbaycanın 70 restoranı beynəlxalq bələdçilərə daxil ediləcək, 3 restoran beynəlxalq “Ulduz” sertifikatına namizəd olacaq

Azərbaycanın 70 restoranı beynəlxalq bələdçilərə daxil ediləcək, 3 restoran beynəlxalq “Ulduz” sertifikatına namizəd olacaq

Azərbaycanın 70 restoranı beynəlxalq bələdçilərə daxil ediləcək. Üç restoran beynəlxalq “Ulduz” sertifikatına namizəd olacaq. Azərbaycanda 200 aşpaz beynəlxalq sertifikat alacaq. Bayılda Kulinariya Təcrübə Mərkəzi yaradılacaq. Tuğda üzüm bağları və şərab zavodu olan turizm mərkəzi açılacaq

Azərbaycanın 70 restoranı beynəlxalq bələdçilərə daxil ediləcək, 3 restoran beynəlxalq “Ulduz” sertifikatına namizəd olacaq

Azərbaycan Respublikasında turizmin inkişafına dair 2026–2030-cu illər üçün Dövlət Proqramı təsdiq edilib.

Marja xəbər verir ki, Azərbaycanın qastronomiya turizminin inkişaf etdirilməsi üçün restoranların beynəlxalq platformalara inteqrasiyası, aşpazların sertifikatlaşdırılması və yeni təcrübə mərkəzlərinin yaradılması planlaşdırılır.

VTB-də minimal faiz dərəcəsi ilə nağd kredit 9.9%-dən

Təxminən 500 ictimai iaşə müəssisəsinin müştəri məmnunluğunu ölçən sosial media platformalarına inteqrasiyası dəstəklənəcək. Yetmiş restoran haqqında məlumat “Gault & Millau”, “La Liste” və digər beynəlxalq restoran bələdçilərinin məlumat bazalarına yerləşdiriləcək.

Üç müəssisənin beynəlxalq restoran qiymətləndirmə sistemlərinin “Ulduz”, “Açar”, “Gurman” və digər sertifikatlarına namizəd göstərilməsi planlaşdırılır.

Proqram dövrünün sonunadək 200 aşpaz beynəlxalq dərəcəli sertifikat almalıdır. Dörd beynəlxalq açıq aşpaz çempionatının keçirilməsi və həmin yarışlara 400 aşpazın cəlb edilməsi nəzərdə tutulur.

Bayıl Kulinariya Təcrübə Mərkəzi və Tuğ Enoturizm Təcrübə Mərkəzi yaradılacaq. Tuğdakı mərkəzin şərab zavodu və üzüm bağlarını əhatə etməsi planlaşdırılır.

“Mədəni dadlar” elektron qastronomiya portalındakı məlumatların beynəlxalq axtarış və süni intellekt sistemlərinə inteqrasiyası da nəzərdə tutulur.

Bundan başqa, ən azı bir beynəlxalq qastronomiya tədbiri və seçilmiş regionlarda 5 festival keçiriləcək.

İş elanları AzVak.az-da

Azərbaycan restoranları beynəlxalq restoran bələdçisi Gault & Millau La Liste qastronomiya turizmi aşpaz sertifikatı Bayıl Kulinariya Mərkəzi Tuğ Enoturizm Mərkəzi şərab turizmi qastronomiya festivalları Milli dadlar portalı

20.08.2026 18:05