Dövlət Gömrük Komitəsi məlumatlarına əsasən, 2026-cı ilin yanvar-fevral aylarında Azərbaycanın xarici ticarət dövriyyəsi azalıb, lakin müsbət saldo kəskin artıb.
Marja.az xəbər verir ki, 2026-cı ilin ilk iki ayında xarici ticarət əməliyyatlarının ümumi həcmi 6 milyard 264 milyon 31 min ABŞ dolları təşkil edib. Bunun 2 milyard 599 milyon 131 min ABŞ dolları idxalın, 3 milyard 664 milyon 899 min ABŞ dolları isə ixracın payına düşüb. Nəticədə xarici ticarət balansında 1 milyard 65 milyon 767 min ABŞ dolları həcmində müsbət saldo yaranıb. Bu da illik müqayisədə 70 %-ə yaxın çoxdur.
Müqayisə üçün qeyd edək ki, 2025-ci ilin eyni dövründə ticarət dövriyyəsi 8 milyard 904 milyon 490.91 min ABŞ dolları olub. Həmin məbləğin 4 milyard 138 milyon 21 min ABŞ dollarını idxal, 4 milyard 766 milyon 470 min ABŞ dollarını isə ixrac təşkil edib. Bu dövrdə müsbət saldo cəmi 628 milyon 450 min ABŞ dolları səviyyəsində qeydə alınmışdı.
Beləliklə, illik müqayisədə ticarət dövriyyəsi azalsa da, idxalın daha sürətli azalması fonunda xarici ticarət balansında müsbət saldo əhəmiyyətli dərəcədə artıb.
