Qızıl 1-ci, fındıq 2-ci, xurma 3-cü yerdə - Azərbaycanın qeyri-neft sektoru üzrə ixracı açıqlandı

Qızıl 1-ci, fındıq 2-ci, xurma 3-cü yerdə - Azərbaycanın qeyri-neft sektoru üzrə ixracı açıqlandı

“İxrac icmalı”nın 2026-cı ilin yanvar ayına dair buraxılışı dərc edilib

Qızıl 1-ci, fındıq 2-ci, xurma 3-cü yerdə - Azərbaycanın qeyri-neft sektoru üzrə ixracı açıqlandı

İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın növbəti sayını təqdim edib.

İcmala əsasən, 2026-cı ilin yanvar ayında Azərbaycanın qeyri-neft sektoru üzrə ixracı 2025-ci ilin müvafiq dövrü ilə müqayisədə 9% artaraq 268,4 milyon ABŞ dolları təşkil edib. Bu dövrdə yeyinti məhsulları üzrə ixrac 22,6% artaraq 103 milyon ABŞ dollarına bərabər olub.

VTB-də minimal faiz dərəcəsi ilə nağd kredit 9.9%-dən

Cari ilin birinci ayında ixrac olunan şəkər ötən ilin müvafiq dövrünə nəzərən 169,3%, pambıq iplik 137,6%, bitki və heyvan mənşəli piylər və yağlar 90,8%, alüminium və onlardan hazırlanan məmulatlar 39,5%, meyvə-tərəvəz 32,1%, pambıq lifi 23,2%, çay 20,9%, spirtli və spirtsiz içkilər 14,2% artıb.

2026-cı ilin yanvar ayında aqrar məhsullar üzrə ixrac 32,6% artaraq 85,7 milyon ABŞ dolları, aqrar-sənaye məhsulları üzrə ixrac 21,9 milyon ABŞ dollarına bərabər olub. Bütövlükdə, aqrar və aqrar-sənaye məhsullarının birgə ixracı 23,8% artaraq 107,6 milyon ABŞ dolları təşkil edib.

Qeyd olunan dövrdə ixrac edilmiş qeyri-neft sektoruna aid malların siyahısında qızıl ( 33 milyon ABŞ dolları) birinci olub. Bu siyahıda qabığı təmizlənmiş meşə fındığı (29,3 milyon ABŞ dolları) ikinci, xurma (təzə) (22,3 milyon ABŞ dolları) isə üçüncü yerdə qərarlaşıb.

2026-cı ilin yanvar ayında Rusiya Federasiyasına 77 milyon ABŞ dolları, İsveçrəyə 38,6 milyon ABŞ dolları, Gürcüstana 31,6 milyon ABŞ dolları, Türkiyəyə 31,5 milyon ABŞ dolları, Ukraynaya isə 15,2 milyon ABŞ dolları dəyərində qeyri-neft sektoruna aid mal ixrac olunub.

İş elanları AzVak.az-da

İxrac icmalı 2026 Azərbaycan qeyri-neft ixracı qeyri-neft sektoru ixrac artımı aqrar məhsullar ixracı aqrar-sənaye məhsulları ixracı yeyinti məhsulları ixracı şəkər ixracı artımı pambıq iplik ixracı pambıq lifi ixracı meyvə-tərəvəz ixracı çay ixracı alüminium məmulatları ixracı bitki və heyvan mənşəli yağlar ixracı qızıl ixracı Azərbaycan meşə fındığı ixracı xurma ixracı Rusiya Federasiyasına ixrac İsveçrəyə ixrac Gürcüstana ixrac Türkiyəyə ixrac Ukraynaya ixrac qeyri-dövlət ixracatçıların reytinqi AzerGold ixrac göstəriciləri SOCAR Polymer ixracı Azəralüminium ixrac əməliyyatları Azərpambıq ixracı Azərkosmos peyk xidmətləri ixracı peyk telekommunikasiya xidmətləri Böyük Britaniyaya xidmət ixracı Lüksemburqa ixrac İsveçə ixrac Pakistan ixrac göstəriciləri Azərbaycanın ixrac statistikası 2026

03.03.2026 15:01