Elon Musk-ın siyasi mövqeyi Tesla-ya baha başa gəldi: 1 milyondan çox avtomobil itkisi

Elon Musk-ın siyasi mövqeyi Tesla-ya baha başa gəldi: 1 milyondan çox avtomobil itkisi

Elon Musk-ın siyasi mövqeyi Tesla-nın satışlarına mənfi təsir göstərdi.

Elon Musk-ın siyasi mövqeyi Tesla-ya baha başa gəldi: 1 milyondan çox avtomobil itkisi

ABŞ-ın Yale Universitetinin yayımladığı yeni tədqiqat, Elon Musk-ın (İlon Maskın) siyasi mövqeyinin Tesla-ya milyardlarla dollar zərər vurduğunu ortaya qoyub.

Marja.az xəbər verir ki, Milli İqtisadi Tədqiqatlar Bürosu (NBER) məlumatlarına görə, Musk 2022-ci ildə Twitter-ı satın alıb X-ə çevirdikdən sonra Tesla-nın ABŞ satışları kəskin şəkildə azalıb.

Siyasi mövqe satışları 80%-ə qədər azaldıb

Tədqiqatda “Musk partizan effekti” kimi təsvir olunan bu təsir nəticəsində 2022-ci ilin sonundan 2025-ci ilin ilk aylarına qədər Tesla-nın ABŞ satışları 67%- 83% civarında azalıb. Bu azalma təxminən 1–1,26 milyon avtomobil itkisinə bərabərdir.

Demokrat seçicilər Tesla-dan uzaqlaşıb

Musk-ın getdikcə daha açıq şəkildə Respublikaçı mövqedə olması, ətraf mühitə həssas Demokrat seçiciləri Tesla markasından uzaqlaşdırb.

Tədqiqatda qeyd edilir ki, bu itki, rəqib elektrik avtomobili markalarının satışlarını 17%-dən 22%-ə qədər artırıb. Musk-ın Donald Trump administrasiyası ilə yaxın əlaqəsi, Hökumət Səmərəliiyi Departamentində (DOGE) rolu və 300 milyon dollarlıq Respublikaçı dəstəyi markanın imicinə mənfi təsir göstərən amillər arasında göstərilib.

Kaliforniya bazarında kəskin geriləmə

Musk-ın siyasi açıqlamalarının təsiri yalnız marka imici ilə məhdudlaşmayıb. Kaliforniyadakı sıfır emissiya hədəfləri də bu prosesdə pozulub. 2025-ci ilin üçüncü rübündə Kaliforniya ştatında Tesla avtomobillərinin qeydiyyatı 9,4% azalıb və bazar payı 46,2%-yə düşüb.

Tesla-nın İdarə Heyətinin sədri Robyn Denholm CNBC-yə verdiyi açıqlamada, Musk-a qarşı hökumət əlaqəsi yanaşmasının “artıq zəiflədiyini” bildirib.

Tədqiqatda həmçinin qeyd olunur ki, Tesla-nın avtonom sürüş və robotaksi layihələrinə yönəlməsi markanın ictimaiyyət qarşısındakı mənfi imicini qismən yaxşılaşdırıb.

29.10.2025 13:46