Tesla-nın xalis mənfəəti kəskin azalıb

Tesla-nın xalis mənfəəti kəskin azalıb

Tesla gözləntilərə cavab verə bilməyib.

Amerikanın elektrikli avtomobil istehsalçısı Tesla 2024-cü ilin dördüncü rübü üzrə maliyyə nəticələrini açıqlayıb. Marja.az xəbər verir ki, Şirkətin gəlirlərində məhdud artım olsa da, xalis mənfəətində ciddi azalma qeydə alınıb.

Tesla-nın gəliri ötən ilin eyni dövrü ilə müqayisədə 2 faiz artaraq 25,7 milyard dollar təşkil edib. Bununla belə, şirkətin xalis mənfəəti 71 faiz azalaraq 2,3 milyard dollar olub. 2023-cü ilin son rübündə Tesla-nın xalis mənfəəti 7,9 milyard dollar təşkil etmişdi.

VTB-də minimal faiz dərəcəsi ilə nağd kredit 10.49%-dən

Səhmbaşına mənfəət 66 sentə düşüb

Ötən ilin son rübündə şirkətin səhm üzrə qazancı da əhəmiyyətli dərəcədə azalıb. 2023-cü ilin eyni dövründə 2,27 dollar olan səhm üzrə qazanc 2024-cü ilin dördüncü rübündə 66 sentə qədər düşüb.

Tesla-nın illik performansı da oxşar mənzərədədir. 2024-cü ildə Şirkətin ümumi gəliri 1 faiz artaraq 97,7 milyard dollara çatdığı halda, xalis mənfəəti 53 faiz azalaraq 7,1 milyard dollar təşkil edib.

İstehsalı azalıb

Tesla ötən ilin son rübündə dünya üzrə 459 min 445 avtomobil istehsal edib. Eyni dövrdə 495 min 570 avtomobil təhvil verən şirkətin istehsalında 7 faiz azalma baş verib. Şirkətin satışı (təhvil) 2% artıb.

Şirkətin illik istehsalı 4 faiz azalaraq 1 milyon 773 min 443 ədəd olub. İl ərzində cəmi təhvil 1 faiz azalaraq 1 milyon 789 min 226 ədəd olub.

2025-ci ildə Robot taksi işə salınacaq

Tesla süni intellektə və avtonom sürücülük texnologiyalarına yatırdığı sərmayələri ilə seçilir. Şirkətdən verilən açıqlamada 2024-cü ilin nəzarət edilən tam avtonom idarəetmə sisteminin inkişafı üçün kritik bir il olduğu bildirilib. Tesla bu ilin sonuna kimi ABŞ-ın bəzi bölgələrində nəzarətsiz tam avtonom idarəetmə funksiyasını işə salmağı planlaşdırır. 2025-ci ildə Avropa və Çində nəzarət edilən tam avtonom sürücü sisteminin tətbiqi nəzərdə tutulur.

30.01.2025 09:30

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az