Qlobal elektrik avtomobil satışları yenidən rekord qırıb

Böyük Britaniyanın araşdırma şirkəti "Rho Motion "tərəfindən açıqlanan elektrik avtomobil satışları ilə bağlı noyabr ayı məlumatlarına görə, dünyada elektrikli avtomobil satışları noyabr ayında bir əvvəlki aya görə 100 mindən çox artıb. Bu artımla, qlobal elektrikli avtomobil satışları noyabr ayında 1,83 milyona çataraq, ardıcıl üçüncü dəfə satış rekordunu qırıb. Belə ki, elektrik avtomobil satışları noyabrda illik 32 faiz, aylıq 6 faiz artıb.

Qlobal elektrik avtomobil satışları yenidən rekord qırıb

Bazar araşdırması firması "Rho Motion"un məlumatına görə, tam elektrik və plug-in hibrid avtomobillərin qlobal satışları noyabr ayında ardıcıl yeddinci ay artaraq və ardıcıl üçüncü dəfə rekord qıraraq illik 32 faizlik artıma çatıb.

Marja xəbər verir ki, ay ərzində elektrikli avtomobillərin 70%-i Çində satılıb. Çin satış artımına liderlik etməyə davam edir, Avropada isə satışlar azalıb.

VTB-də yüksək depozit faizləri daha çox qazandırır

Noyabrda tam elektrik və ya plug-in hibrid olan elektrik avtomobillərinin qlobal satışları illik müqayisədə 32,3 faiz artaraq 1,83 milyon ədədə çatıb. Çində satışlar 50 faiz artaraq 1,27 milyon avtomobil təşkil edib. ABŞ və Kanadada elektrikli avtomobil satışları 16,8 faiz artaraq 0,17 milyon ədəd (170 min ədəd), Avropada isə illik müqayisədə bir qədər azalaraq, oktyabr ayı ilə müqayisədə 7,7 faiz artaraq 0,28 milyon ədəd (280 min ədəd) təşkil edib. Dünyanın qalan hissəsində satışlar 2023-cü ilin noyabr ayı ilə müqayisədə sabit qalıb.

"Rho Motion"ın məlumat meneceri Çarlz Lester "Reuters"ə verdiyi açıqlamada, "Çin mütləq gözləntilərə uyğundur" deyib və əlavə edib ki, hökumət təşviqləri elektrikli avtomobil satışlarını daha da artırıb.

Yanvar-noyabr dövründə dünyada satışlar 25 faiz, Çində isə 40 faiz artıb

2024-cü ilin yanvar-noyabr aylarında dünyada satılan elektrik avtomobillərinin sayı 15,2 milyona çatıb. Ötən ilin eyni dövrü ilə müqayisədə satışlar 25 faiz artıb.

Bu dövrdə ümumi satışın 9,7 milyonu Çində həyata keçirilib. Çində elektrikli avtomobil satışları bu dövrdə illik müqayisədə 40 faiz artıb.

Yanvar-noyabr dövründə Avropa Birliyi və Böyük Britaniyada 2,7 milyon elektrikli avtomobil satışı qeydə alınıb, bu bölgələrdəki satışlar illik 3 azalıb.

ABŞ və Kanadada sözügedən dövrdə 1,6 milyon elektrikli avtomobil satılıb və satışlar illik müqayisədə 10 faiz artıb.

Qalan 1,1 milyon elektrik avtomobili dünyanın qalan hissəsində satılıb.

Dünyada elektrikli avtomobil satışı sentyabrda 1,7 milyon ədəd, oktyabrda isə 1,72 milyon ədəd olmuşdu.

13.12.2024 09:41

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az