Prezident Qurban bayramı münasibətilə Azərbaycan xalqını təbrik edib

Prezident Qurban bayramı münasibətilə Azərbaycan xalqını təbrik edib

Prezident İlham Əliyev Qurban bayramı münasibətilə Azərbaycan xalqını təbrik edib.

"Marja"ın məlumatına görə, təbrik mətnində deyilir:

Hörmətli həmvətənlər!

Sizi və dünyanın müxtəlif guşələrində yaşayan bütün soydaşlarımızı mənəvi kamillik və vəhdət rəmzi olan müqəddəs Qurban bayramı münasibətilə ürəkdən təbrik edir, ən səmimi arzu və diləklərimi yetirirəm.

Öz demokratizmi, humanizmi və bəşəri idealları ilə dünya sivilizasiyasının möhtəşəm səhifəsini təşkil edən islam dini xalqımızın dünyagörüşünün formalaşmasında və milli-mədəni inkişafında müstəsna rol oynamış, mütərəqqi islami dəyərlər və ənənələr Azərbaycanda həmişə uca tutulmuşdur.

İslamın bir din kimi tamamlanmasını və mənəvi-əxlaqi qurtuluş yolu olaraq bəşəriyyətə göndərilməsini özündə təcəssüm etdirən mübarək Qurban bayramı insanları mərhəmətə, həmrəyliyə və qardaşlığa dəvət edən bir bayramdır. Bu əziz gündə müsəlmanlar Allah yolunda hər cür fədakarlığa hazır olduqlarını nümayiş etdirir, uca Tanrıya yaxınlığın fərəhini yaşamaq fürsəti əldə edirlər.

Xalqımız öz milli-mənəvi dəyərlərinə və ənənələrinə həmişə ehtiramla yanaşır. Bütün dini mərasimlər, o cümlədən Qurban bayramı hər il böyük təntənə ilə qeyd edilir. Ölkəmizin hər yerində Allahın adına qurbanlar kəsilir, geniş xeyriyyəçilik işləri görülür, dövlətimizin tərəqqisi və əmin-amanlığı üçün dualar edilir, Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin ölməz xatirəsi ehtiramla yad olunur. Əminəm ki, builki Qurban bayramı da cəmiyyətimizdə milli-mənəvi həmrəyliyin, xeyirxah əməllərin, şəfqət və mərhəmət duyğularının təntənəsinə çevriləcəkdir.

Əziz bacı və qardaşlarım!

Bu mübarək gündə bir daha hamınıza ulu Tanrıdan möhkəm cansağlığı, ailələrinizə xoşbəxtlik, süfrələrinizə bol ruzi-bərəkət arzulayıram.

Qurban bayramınız mübarək olsun!"

29.08.2017 15:19

Mobil-xeber-sonu-paylaş-düyməsinin altı-1_33

Müştərilərin xəbərləri

"İnşaatçılar"da yeni açılacaq supermarketə 6 vəzifə üzrə işçilər tələb olunur

Yeni açılacaq supermarketə 6 vəzifə üzrə işçilər tələb olunur

4 gün İRŞAD-da yüksək endirimlər olacaq

Azərbaycan məhsulu Kanadada qızıl medalla təltif olundu

“Grand Agro” ilə FAO arasında irimiqyaslı beynəlxalq layihə davam edir

“Sevimli dad” məhsulları haqqında xəbərlər ilə bağlı RƏSMİ AÇIQLAMA

"For You Baku" layihəsinin satış ofisinin rəsmi açılışı baş tutdu - "Çıraq Plaza"da yerləşir

Azercell gənclər üçün “DataMinds” bootcamp layihəsinə start verir

SON XƏBƏRLƏR

17 d. əvvəl
Möminə xatun türbəsinin bərpa və konservasiyasının aparılması ilə bağlı müqavilə bağlanılıb
6 saat əvvəl
"İnşaatçılar"da yeni açılacaq supermarketə 6 vəzifə üzrə işçilər tələb olunur
11 saat əvvəl
İran və İsrail arasında gərginlik fonunda qızıl rekord həddə yaxınlaşır
11 saat əvvəl
Neft qiymətlərinin daha da yüksələcəyi gözlənilir: 125 - 130 DOLLAR PROQNOZLARI VERİLDİ
12 saat əvvəl
Yeni açılacaq supermarketə 6 vəzifə üzrə işçilər tələb olunur
14 saat əvvəl
4 gün İRŞAD-da yüksək endirimlər olacaq
21 saat əvvəl
"İsrailin zərbələri İranda hakimiyyət dəyişikliyinə səbəb ola bilər"
1 gün əvvəl
"Neftin qiyməti 1 barel üçün 300 dollara çata bilər"
1 gün əvvəl
İran : Nüvə silahının olmamasına təminat verən saziş imzalamağa hazırıq
1 gün əvvəl
Azərbaycanda Milli Qurtuluş Günü qeyd olunur
1 gün əvvəl
İspaniyanın bank nəhəngi 2025-ci ilin sonunda Dolların 45 Türkiyə Lirəsi olacağını gözləyir
1 gün əvvəl
Ərdoğan Trampla İsrail-İran münaqişəsini müzakirə edib

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az