Silah və "Ovçuluq bileti" belə alınır

Azərbaycanda 25-28 min ovçu var. Bu barədə açıqlamasında "Respublika Ovçular və Balıqçılar Cəmiyyətləri" İctimai Birliyinin sədri Füzuli Əşrəfov bildirib.
F.Əşrəfov qeyd edib ki, ovçuların sayı fəsillərə görə dəyişir: "Yaz və yay aylarında Azərbaycanda ovçuların sayı azalsa da, oktyabr-fevral aylarında artır. Yəni ovçuların sayı mövsümə uyğun olaraq dəyişir".
O bildirib ki, ovçuların silahla təmin edilməsi üçün Daxili İşlər Nazirliyindən rəsmi icazə alınmalıdır: "Ümumiyyətlə, silah və ov vasitələrinin satışı ilə məşğul olan mağazaların fəaliyyətinə Daxili İşlər Nazirliyinin Baş İctimai Təhlükəsizlik İdarəsində qeydiyyata alınandan sonra icazə verilir. Mağazaya gətirilən bütün silahlar həmin idarədə qeydiyyata alınır, sonra satışına icazə verilir. İcazəsi olmadan heç bir mağaza silah sata bilməz".
Birlik sədrinin sözlərinə görə, silah almaq istəyən hər hansı şəxs əvvəlcə psixi və narkoloji müayinədən keçirilir, sağlamlıq vəziyyəti yoxlanılır: "Mağazadan hər adam silah ala bilməz. Silah almaq istəyən istənilən şəxs əvvəlcə Daxili İşlər Nazirliyinin Baş İctimai Təhlükəsizlik İdarəsinə müraciət etməlidir. Həmin şəxsin bundan əvvəl məhbus həyatı yaşayıb-yaşamaması, narkoloji və psixoloji xəstəliklərinin olub-olmaması yoxlanılır, idarə həmin şəxs barədə araşdırma sənədlərini toplayır. Əgər onun göstəriciləri müsbətdirsə, silah almasına icazə verilir. Rəsmi icazə mağazaya təqdim ediləndən sonra ona silah satılır. Bu icazə sənədi olmayan şəxsə silah satılmır".
F.Əşrəfov ovçular mağazasında yivli silahların satışı ilə bağlı məlumatlara da aydınlıq gətirib: "Avtomat, snayper və sair yivli silahların satışı qadağandır. Düzdür, ovçular mağazalarında bu görkəmdə silahlar var, amma onlar ov silahlarıdır".
O qeyd edib ki, əvvəllər silah almaq istəyən şəxsə silahla davranışla bağlı təlimlər keçirilirdi, onlar sınaq imtahanı verirdi: "İndi isə silah alan şəxs mağazada təlimatlandırılır, ona silahın xüsusiyyətləri izah edilir. Silah alan şəxs özü müstəqil şəkildə atış mərkəzlərində təlimlərə gedib iştirak edə bilər. Biz bu işi təşkil etmirik".
Birik rəhbəri bildirib ki, Azərbaycanda 2004-cü ildən sonra "Ovçuluq bileti"nin verilməsi səlahiyyəti rəhbərlik etdiyi qurumdan alınaraq Ekologiya və Təbii Sərvətlər Nazirliyinə verilib: "İndi ovçu olmaq istəyənlər nazirliyin aidiyyəti departamentinə müraciət edir və orada imtahan verdikdən sonra "Ovçuluq bileti" alır".
© Trend
Müştərilərin xəbərləri
SON XƏBƏRLƏR
-
10 d. əvvəl
"Li Auto" ilk "City Showroom"unu açdı və Əsas mərkəzin açılış tarixi bəlli oldu !
-
14 d. əvvəl
Dövlət Agentliyinin keçmiş rəhbərinə İqtisadiyyat Nazirliyində vəzifə verilib
- 16 d. əvvəl
-
- 42 d. əvvəl
-
1 saat əvvəl
Siberian Wellness yeni ətir kolleksiyasını Bakıda təqdim etdi
- 1 saat əvvəl
-
1 saat əvvəl
Vaşinqton və Tehran arasında danışıqlar diqqətlə izlənir - NEFT DAHA DA UCUZLAŞDI
-
1 saat əvvəl
Ağdam-Əsgəran-Xocalı-Xankəndi yolunun tikintisi davam etdirilir - FOTO
- 2 saat əvvəl
- 1 gün əvvəl
-
1 gün əvvəl
Məktəbli qızlarımız ölkəmizi Avropa Qızlar İnformatika Olimpiadasında təmsil edəcəklər
-
2 gün əvvəl
Son bir gündə vətəndaşların bank kartlarından 21 min manatdan çox pul oğurlanıb
Son Xəbərlər
.jpg)
Mayın 1-dən “e-bülleten” sisteminə keçilir

“SİMA KYC Videoyazı” həlli istifadəyə verildi

Qızılın qiymətində daha bir rekord

Rəsmi məzənnələr açıqlandı
Ən çox oxunanlar

Sabahın hava proqnozu açıqlandı

Məktəbli qızlarımız ölkəmizi Avropa Qızlar İnformatika Olimpiadasında təmsil edəcəklər

Ziraat Bank Azərbaycan 2025-ci ilin 1-cü rübünü mənfəətlə başa vurdu
