Azərbaycanda sayı ən çox artan və sürülən avtomobillər - SİYAHI

Azərbaycanda sayı ən çox artan və sürülən avtomobillər - SİYAHI

2023-cü il ərində Azərbaycanda ən çox Hyundai, KİA və Toyota markalı minik avtomobillərinin sayı artıb.

Marja.az Dövlət Statistika Komitəsinə istinadən xəbər verir ki, ötən il ərzində Azərbaycanda Hyundai markalı minik avtomobillərinin sayı 20 min 223 ədəd artaraq 126 min 56 ədədə, KİA markalı minik avtomobillərinin sayı 17 min 123 ədəd artaraq 84 min 258 ədədə, Toyota markalı minik avtomobillərinin sayı isə 9 min 664 ədəd artaraq 104 min 605 ədədə çatıb (31 dekabr 2023-cü il tarixinə olan məlumatlar).

VTB-də minimal faiz dərəcəsi ilə nağd kredit 10.49%-dən

Həmçinin, ötən il Azərbaycanda BMW minik avtomobillərinin sayı 5 min 252 ədəd artaraq 40 min 571 ədədə, Mercedes-Benz minik avtomobillərinin sayı 4 min 19 ədəd artaraq 216 min 843 ədədə, Nissan minik avtomobillərinin sayı 3 min 784 ədəd artaraq 44 min 485 ədədə, Chevrolet minik avtomobillərinin sayı 3 min 768 ədəd aratarq 47 min 878 ədədə, Opel minik avtomobillərinin sayı 2 min 907 ədəd artaraq 71 min 955 ədədə, Ford minik avtomobillərinin sayı 2 min 156 ədəd artaraq 21 min 749 ədədə, Land Rover minik avtomobillərinin sayı 2 min 8 ədəd artaraq 10 min 669 ədədə, Changan avtomobillərinin sayı 1740 ədəd artaraq 4 min 864 ədədə, Honda minik avtomobillərinin sayı 1586 ədəd artaraq 11 min 238 ədədə, Volkswagen minik avtomobillərinin sayı 1577 ədəd artaraq 25 min 78 ədədə, Lexus minik avtomobillərinin sayı 1060 ədəd artaraq 12 min 546 ədədə yüksəlib.

Ötən il Azərbaycanda bir sıra Çin markalarının sayında da nəzərəçarpan artım baş verib.