"Kapital Bank" süni intellekt xidmətində rəqiblərindən önə keçdi - SƏDRİ MƏLUMAT PAYLAŞDI

"Kapital Bank" süni intellekt xidmətində rəqiblərindən önə keçdi - SƏDRİ MƏLUMAT PAYLAŞDI

"Kapital Bank" süni intellekt ilə xidmətini daha da təkmilləşdirib. Bankın İdarə Heyətinin sədri Fərid Hüseynov süni intellekt əsaslı texnologiyalar ilə müştərilərə daha sürətli və keyfiyyətli xidmət göstəriləcəyinə əmindir.

"Kapital Bank" süni intellekt xidmətində rəqiblərindən önə keçdi - SƏDRİ MƏLUMAT PAYLAŞDI

"Kapital Bank" ASC süni intellektin köməyilə təqdim etdiyi xidmətlərin sayını artırıb. Artıq bu xidmətlə kart balansının və kredit borcunun yoxlanılması, yanlış PİN, 3D təhlükəsizlik kodu və bənzər hallara görə bloklanmış kartın blokdan azad edilməsi kimi əməliyyatları icra etmək mümkündür.

Marja.az xəbər verir ki, bu barədə "Kapital Bank" ASC-nin İdarə Heyətinin sədri Fərid Hüseynov Linkedin sosial şəbəkəsindəki səhifəsində məlumat paylaşıb.

VTB-də yüksək depozit faizləri daha çox qazandırır

Bankın İdarə Heyətinin sədri qeyd edib ki, bugün süni intellekt əsaslı texnologiyalar şirkətlərə müxtəlif istiqamətlərdə xidmət keyfiyyətini maksimallaşdırmaq üçün saysız imkanlar yaradır:

"Biz də bir neçə ildir ki, önəmli addımlar ataraq, süni intellekt əsaslı texnologiyalara investisiya edir, xidmət sahəsində tətbiq etdiyimiz innovasiyalar ilə seçilirik. Belə ki, ötən ilin sonu süni intellekt ilə gücləndirilmiş zəng və "Çat" sorğu xidmətini müştərilərimizin istifadəsinə verdik. Bu texnologiya sayəsində müraciət edən müştərilərimiz 1 saniyədən də az vaxtda sorğularına cavab alırlar. Bugünədək "Çat" sorğularının 53%-i insan köməyi olmadan həllini tapıb.

Müştəri sorğularına uyğun olaraq özünü təkmilləşdirən bu xidmətlə kart balansının və kredit borcunun yoxlanılması, yanlış PİN, 3D təhlükəsizlik kodu və bənzər hallara görə bloklanmış kartın blokdan azad edilməsi kimi əməliyyatları icra etmək mümkündür.

Əminəm ki, bütün bu təşəbbüslərimiz müştərilərimizə daha sürətli və keyfiyyətli xidməti təmin edəcək".

Qeyd edək ki, təkmilləşmədən sonra "Kapital Bank" ASC-nin Süni intellekt xidməti rəqiblərinin müvafiq xidmətini üstələyib. Belə ki, digər bankların Süni intellekt xidmətləri hələ ki, yalnız müştərilərin suallarını cavablandırır. "Kapital Bank"ın Süni intellekt xidməti isə müştərilərin suallarına cavab verməklə bərabər, həm də onlar üçün əməliyyatları həyata keçirir.