Prezident “Çıraq-1”, “Çıraq-2” və “Soyuqbulaq” stansiyalarını işə salıb

Azərbaycan Respublikasının Prezidenti İlham Əliyev avqustun 25-də Kəlbəcər rayonunda “AzərEnerji” Açıq Səhmdar Cəmiyyətinin “Çıraq-1” və “Çıraq-2” Kiçik Su Elektrik stansiyalarının açılışında iştirak edib.
Marja xəbər verir ki, dövlətimizin başçısına stansiyalarda görülən işlər barədə məlumat verilib.
Bildirilib ki, Kəlbəcər rayonunun qərbində Tərtər çayı üzərində yerləşən 8,33 meqavat gücündə “Çıraq-1” və Qaraarxac çayı üzərində 3,6 meqavat gücündə “Çıraq-2” Kiçik Su Elektrik stansiyaları “AzərEnerji” ASC tərəfindən tamamilə yenidən qurulub.
Bu elektrik stansiyaları ən müasir avadanlıqla təchiz olunub. Ərazidə iqlim və relyefin sərt olmağına baxmayaraq, tikinti işləri cədvəldən əvvəl başa çatdırılıb.
Burada çayın 50 faiz təminatı nəzərə alınmaqla ekoloji normanın saxlanılması üçün derivasiya boruları subasardan hündür hissədə quraşdırılıb. Həmçinin sel suları nəzərə alınaraq 1750 metr mütləq yüksəklikdə yerləşən idarəolunan baş suqəbuledici qurğu tikilib, eləcə də 7 kilometr uzunluğunda derivasiya boruları yenidən çəkilib.
“Çıraq-1” və “Çıraq-2” stansiyalarının hər biri üçün maşın zalı tikilib, Avropanın aparıcı şirkətlərinin istehsalı olan müasir ekoturbinlər, generatorlar, idarəetmə, rele mühafizəsi və avtomatika panelləri quraşdırılıb. “Çıraq-1” Kiçik Su Elektrik Stansiyasının ərazisində yeni 110 kV-luq açıq paylayıcı qurğu inşa edilib. 35 kilometr uzunluğunda 35 kV-luq “İstisu” elektrik verilişi xətti yenidən qurularaq yeni yarımstansiyaya qoşulub, optik kabel xətti çəkilib. Bu yarımstansiya “Çıraq-1”, “Çıraq-2” və “Soyuqbulaq” Kiçik Su Elektrik stansiyalarında istehsal edilən elektrik enerjisinin ölkənin enerjisisteminə ötürülməsi üçün qovşaq funksiyasını daşıyır. Eynilə 3,6 meqavat gücündə “Çıraq-2” Su Elektrik Stansiyasının da baş suqəbuledici qurğu, 3 kilometr uzunluğunda derivasiya boru xətti, maşın zalı yenidən qurulub. Stansiyada bir ədəd Avropa istehsalı olan yaşıl sertifikatlı müasir ekoturbin, generator, idarəetmə və avtomatika panelləri quraşdırılıb. “Çıraq-1” və “Çıraq-2” stansiyaları enerjisistemə tam inteqrasiya edilməklə məsafədən idarəetməyə imkan verən mərkəzləşdirilmiş SCADA sisteminə qoşulub. Hər iki stansiyada ümumilikdə il ərzində 35 milyon kilovat-saata yaxın elektrik enerjisi istehsal olunacaq.
Prezident İlham Əliyev “Çıraq-1” və “Çıraq-2” Kiçik Su Elektrik stansiyalarını işə saldı.
Qeyd edilib ki, “Çıraq-1”, “Çıraq-2” və “Soyuqbulaq” Kiçik Su Elektrik stansiyalarından əlavə, bu günə kimi Kəlbəcər rayonunda 4,4 meqavat gücündə “Kəlbəcər-1”, 6,3 meqavat gücündə “Qamışlı” və 3,4 meqavat gücündə “Meydan” Kiçik Su Elektrik stansiyaları yenidən qurularaq istismara verilib. Hazırda Kəlbəcər rayonunda beş yerdə ümumi gücü 48,3 meqavat olan kiçik su elektrik stansiyalarının tikintisinə başlanılıb. Bununla da 2024-cü ilin birinci rübündə Kəlbəcər rayonunda ümumi gücü 75,5 MVt, illik enerji istehsal potensialı 230 milyon kilovat-saat olan 10 kiçik su elektrik stansiyası mövcud olacaq.
Xəbər verdiyimiz kimi, Prezidenti İlham Əliyev və birinci xanım Mehriban Əliyeva “AzərEnerji” Açıq Səhmdar Cəmiyyətinin 5,3 MVA gücündə olan “Soyuqbulaq” Kiçik Su Elektrik Stansiyasının açılışında iştirak ediblər. Dövlətimizin başçısı “Soyuqbulaq” Kiçik Su Elektrik Stansiyasını işə salıb.
Həmçinin oxu
Prezident “Soyuqbulaq” stansiyasını işə salıb
Müştərilərin xəbərləri

"Batıgöz" və "Pasha Investments" arasında strateji əməkdaşlıq: Azərbaycanın səhiyyə sektoruna güclü investisiya mesajı
SON XƏBƏRLƏR
- 2 ay sonra
-
3 gün sonra
Şüşə vitrinlərinizi çöl görüntüsünü pozmadan reklam sahəsinə çevirin!
-
13 saat əvvəl
Azərbaycan və Birləşmiş Ərəb Əmirlikləri rəsmən iqtisadi tərəfdaş oldu - SAZİŞ İMZALANIB
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 14 saat əvvəl
- 14 saat əvvəl
-
14 saat əvvəl
“AtaSığorta” kibertəhlükəsizlik tələblərini pozub, Şirkətə icrası məcburi göstəriş verilib
-
15 saat əvvəl
Topdansatış şirkəti 2024-cü ili 2 milyon manata yaxın xalis mənfəət ilə başa vurub
- 15 saat əvvəl
-
15 saat əvvəl
Lizinq şirkətinin 1 milyonluq istiqrazlarına 50 investor 50 sifariş təqdim edib
-
16 saat əvvəl
50 investor 1 milyon ödəyib, BOKT "International”ın istiqrazlarını əldə etdi
-
16 saat əvvəl
Əkin sahələri üzrə sığorta ödənişlərində rekord artım – 4,4 MİLYON MANATI KEÇDİ
- 16 saat əvvəl
Son Xəbərlər

Azərbaycan və Birləşmiş Ərəb Əmirlikləri rəsmən iqtisadi tərəfdaş oldu - SAZİŞ İMZALANIB

Dolların sabah üçün rəsmi məzənnəsi müəyyən edilib

Bakı metrosu xarici bankdan kredit cəlb edəcək

Yaponiyanın avtomobil istehsalçıları ABŞ-a ixrac etdikləri avtomobillərin qiymətlərini aşağı salıblar

Ərəb Əmirliklərindəki görüş barədə RƏSMİ AÇIQLAMA

"Batıgöz" və "Pasha Investments" arasında strateji əməkdaşlıq: Azərbaycanın səhiyyə sektoruna güclü investisiya mesajı

Azərbaycanda bir nəfəri orta hesabla ayda 482,8 manatlıq mallar alıb

Azərbaycanda illik inflyasiyanın sürəti 6,3 faizdən 6 faizə düşüb
