Bu il əhalinin gəlir gətirən müddətli əmanətləri cəmi 172 milyon manat artıb

Bu il əhalinin gəlir gətirən müddətli əmanətləri cəmi 172 milyon manat artıb

Bu il əhalinin gəlir gətirən müddətli əmanətləri cəmi 172 milyon manat artıb

Azərbaycan Mərkəzi Bankı əhalinin cəmi əmanətləri barədə yeni rəqəmləri açıqlayıb. Əhalinin əmanətlərinə müddətli və tələbli əmanətlər, sahibkarlıqla məşğul olan fiziki şəxslərin depozitləri daxildir.

Marja.az xəbər verir ki, 01.05.2023-cü il tarixində əhalinin əmanətləri 12 milyard 211.6 milyon manat təşkil edib. Aprel ayında əhalinin cəmi əmanətləri 247,2 milyon manat artıb.

Əhalinin cəmi əmanətləri yanvarın əvvəlində 11 milyard 743 milyon manata, aprelin əvvəlində isə 11 milyard 964.4 milyon manata çatmışdı.

2023-cü ilin ilk 4 ayı ərzində əhalinin cəmi əmanətləri 468,6 milyon manat artıb.

Əhalinin əmanətlərinin 6 milyard 376,2 milyon manatını müddətli, 5 milyard 579,2 milyon manatını tələbli əmanətlər təşkil edib. Apreldə müddətli əmanətlər 64,8 milyon manat, tələbli əmanətlər isə 171,2 milyon manat artıb. 2023-cü ilin ilk 4 ayında isə müddətli əmanətlər 172,1 milyon manat, tələbli əmanətlər isə 300,4 milyon manat artıb.

Sahibkarlıqla məşğul olan fiziki şəxslərin depozitləri ilk 4 ayda (yanvar-aprel) 3,8 milyon manat azalıb, aprel ayında isə 11,3 milyon manat artıb.

Əhalinin əmanətləri (milyon AZN)

01.05.2023 12211.6

01.04.2023 11964.4

01.03.2023 11901.8

01.02.2023 11928.5

01.01.2023 11743.0

Müddətli əmanətlər:

Müqavilə əsasında razılaşdırılmış müddətdə bankda yerləşdirilir və həmin müddət üçün faiz dərəcələri hesablanır. Vəsaiti vaxtından əvvəl hesabdan götürdükdə faizlərin bir hissəsini itirmək mümkündür.

Tələbli əmanətlər:

Müştəri öz vəsaitini qeyri müəyyən müddətə bankda yerləşdirir və istədiyi anda bankdan çıxara bilir. Belə məbləğlərə faiz hesablanmır.

23.05.2023 12:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az