Amerikalı investor dolların niyə lider mövqeyini itirməyə başladığını izah edib

Amerikalı investor dolların niyə lider mövqeyini itirməyə başladığını izah edib

Amerikalı investor dolların niyə lider mövqeyini itirməyə başladığını izah edib

"ABŞ dolları lider mövqeyini itirməyə başlayıb,çünki ABŞ dünyanın ən böyük borclu dövlətidir və onun valyutası artıq neytral deyil".

Marja xəbər verir ki, bunu tanınmış investor Cim Rocers müsahibəsində bildirib.

"İnsanlar dollardan istifadə etməkdən uzaqlaşmağa başlayır, çünki ABŞ ən böyük borcu olan ölkədir. Bir çoxları bu valyutadan istifadə edib-etməmək ilə maraqlanmağa başlayır, çünki gələcəkdə problemləri ola bilər. Siz də bilirsiniz ki, beynəlxalq valyuta tamamilə neytral olmalıdır. Hər kəs ondan istənilən məqsəd üçün, hər şey üçün istifadə edə bilər. Amma indi Vaşinqton oyun qaydalarını dəyişir və onlar sizə qəzəblənsələr, sizi "söndürə" bilərlər”, - Rocers dollardan gələcəkdə istifadə perspektivləri haqqında şərh edib.

İnvestorun sözlərinə görə, bu gün hətta ABŞ-a dost ölkələr belə məhdudiyyətlərin onlara tətbiq oluna biləcəyi ehtimalını etiraf edirlər: "Buna görə də, indi Amerikanın dostları arasında bir çoxları dollarla rəqabət apara biləcək bir şey axtarırlar. Və bu proses sürətlənir, çünki bir çox ABŞ tərəfdaşları onların başına nəsə gələ biləcəyindən narahatdırlar".

Rocers hesab edir ki, bu gün Dünya hələ ABŞ dollarına ekvivalent əvəz və hətta rəqib tapmayıb. Tanınmış amerikalı investorun fikrincə, Çin yuanı belə bir rola iddia edə bilər, lakin o, tam sərbəst dönərli valyuta deyil.

"Ona görə də necə olacağını bilmirəm, amma dünya hərəkət edir. Amerikanın bir çox dostları dollarla rəqabət aparacaq və nəhayət onu əvəz edəcək bir şey tapmağa çalışırlar. Bu baş verəcək və Amerika dolları dominatlığı sona çatacaq”, - deyə Rocers yekunlaşdırıb.

17.05.2023 13:55