Hesabat ilində ixrac potensialının genişləndirilməsi istiqamətində zəruri tədbirlərin həyata keçirilməsi təmin edilib.

Bu, “Nazirlər Kabinetinin 2022-ci ildə fəaliyyəti haqqında hesabat”da əksini tapıb.

Sənəddə qeyd edilib ki, hazırda müxtəlif ölkələrə Azərbaycan istehsalı olan hərbi məhsullar ixrac edilir. Hesabat dövründə ixrac üçün istehsal edilmiş məmulatların həcmi kooperasiya nəzərə alınmaqla, 206270,5 min manat, o cümlədən mülki məhsullar üzrə 669,2 min manat təşkil edib.

2022-ci ildə hərbi texniki sahədə əməkdaşlığın gücləndirilməsi məqsədilə Türkiyə Respublikası, Belarus Respublikası, Qana Respublikası, İsrail Dövləti, Çexiya Respublikası, Serbiya Respublikası və Pakistan İslam Respublikasının yüksək səviyyəli nümayəndələri ilə görüşlər keçirilib.

Hesabat ilində Müdafiə Sənayesi Nazirliyinin tabeli birlik və müəssisələrində 160 adda müdafiə təyinatlı məmulatlar istehsal edilərək güc strukturlarına təhvil verilib.

Bu, “Nazirlər Kabinetinin 2022-ci ildə fəaliyyəti haqqında hesabat”da əksini tapıb.

Sənəddə qeyd edilib ki, 2022-ci ildə 47 mövzu üzrə təcrübi-konstruktor işləri aparılaraq Nazirliyin tabeliyində olan müəssisələr tərəfindən 5 adda müdafiə təyinatlı məmulatların yaradılma işləri tam başa çatdırılıb və silahlanmaya tövsiyə olunub.

İstehsal proqramına uyğun müdafiə təyinatlı məmulatların istehsalı, təmiri və utilizasiyası üzrə bağlanmış müqavilələrin ümumi həcmi hesabat dövrü üzrə 65244,0 min manat təşkil edib.

Dövlət büdcəsindən sifarişçi təşkilatlara ayrılmış maliyyə resurslarına uyğun olaraq, Müdafiə Nazirliyinin və digər güc strukturlarının sifarişləri üzrə müdafiə təyinatlı məhsulların istehsalı, təmiri və utilizasiyasına dair bağlanılmış müqavilələrin icrası təmin edilib.

Qeyd edilib ki, artıq Müdafiə Sənayesi Nazirliyinin tabeli müəssisələrində istehsalı mənimsənilmiş müdafiə təyinatlı məmulatların və onların ehtiyat hissələrinin çeşidlərinin sayı 1000-dən çoxdur.

2022-ci ilin İstehsal Proqramında 62 adda zirehli texnikanın, atıcı silah və digər əmlakın təmiri nəzərdə tutulub və onların təmiri üzrə müqavilələr imzalanaraq tam icra olunub.

Hesabat ilində Müdafiə Sənayesi Nazirliyinin müəssisələri tərəfindən 11,4 milyon manat məbləğində mülki və ikili təyinatlı məhsul istehsal edilib. Bu da əvvəlki illə müqayisədə 21,1% çoxdur.

© APA