17 şirkət və sahibkarın İrandan Azərbaycana gətirdiyi 1400 ton təhlükəli portağallar məhv edilib

17 şirkət və sahibkarın İrandan Azərbaycana gətirdiyi 1400 ton təhlükəli portağallar məhv edilib

Cari il ərzində İrandan idxal edilən istehlaka yararsız portağal məhsulunun həcmi 1400 tonu keçib

17 şirkət və sahibkarın İrandan Azərbaycana gətirdiyi 1400 ton təhlükəli portağallar məhv edilib

Azərbaycan Respublikasının Qida Təhlükəsizliyi Agentliyi (AQTA) ölkəyə idxal olunan qida məhsulları üzərində nəzarət tədbirlərini davam etdirir.

AQTA-dan Marja-ya verilən məlumata görə, tədbirlər çərçivəsində İran İslam Respublikasından idxal edilən portağal məhsulu partiyalarına fitosanitar baxış keçirilib, müayinələrin aparılması məqsədilə məhsullardan nümunələr götürülərək Agentliyin tabeliyində Azərbaycan Qida Təhlükəsizliyi İnstitutunun müvafiq laboratoriyasına təqdim olunub.

VTB-də yüksək depozit faizləri daha çox qazandırır

Sınaq protokolları nəticəsində idxal olunmuş ümumilikdə 1438 tondan artıq 72 portağal məhsulu partiyasında (2023-cü ilin 1 yanvar-10 mart tarixlərində) karantin tətbiq edilən zərərli orqanizm - sitrus tristeza virusu (“citrus tristeza virus”) aşkarlanıb. Bu barədə İran İslam Respublikasının Milli Bitki Mühafizəsi Təşkilatına bildirişlər göndərilib və baş verən uyğunsuzluqların araşdırılaraq nəticəsi barədə Agentliyə məlumat verilməsi bildirilib.

Faktlarla bağlı qanunvericiliyə uyğun olaraq, qida təhlükəsizliyi sertifikatının verilməsindən imtina edilməsi və təhlükəli məhsulların gömrük ərazisinin hüdudlarından kənarlaşdırılması və ya məhv edilməsinə dair qərarlar qəbul edilib.

2023-cü ilin 1 yanvar-10 mart tarixlərində İrandan portağal məhsulları idxal edən və uyğunsuzluq aşkarlanan şirkətlərin adları aşağıdakı kimidir:

1. "Amotrade" MMC

2. "Fruit Logistik" MMC

3. "Senergy Az" MMC

4. "South Potato" MMC

5. "Əkinçi-10 2021" MMC

6. "Əli 1" MMC

7. "Limon Comp" MMC

8. "Albalı A Fruit" MMC

9. "Dry Fruits" MMC

10. "Ballı Store N" MMC

11. F/Ş Sadıqov İqbal Sayad oğlu

12. "Narnumru" MMC

13. "is" MMC

14. "Best Supply Company" MMC

15. F/Ş Hüseynov Şahverən Hüseynqulu oğlu

16. "Bilal Fruit" MMC

17. "Frut-ZV" MMC

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısının alınması istiqamətində müvafiq tədbirlər görür.

14.03.2023 10:46