PayPal 2000 işçini ixtisar edəcək

PayPal 2000 işçini ixtisar edəcək

Baş ofisi ABŞ-da yerləşən onlayn ödəniş sistemi PayPal 2000 əməkdaşını ixtisar edəcəyini açıqlayıb.

Marja xəbər verir ki, PayPal-ın Baş direktoru Dan Schulman, mövzu ilə əlaqədar şirkət işçilərinə göndərdiyi bir mesajda, son bir ildə müştərilərin ehtiyaclarını ödəmək üçün sərmayə yatırmağa davam etdiklərini, çətin bir makroiqtisadi mühitdə şirkətin gücləndirilməsi və yenidən formalaşdırılmasında əhəmiyyətli irəliləyiş əldə etdiklərini qeyd edib.

VTB-də yüksək depozit faizləri daha çox qazandırır

Şirkətin, resursları əsas prioritetlərə yönəltməklə və xərc strukturunu düzgün tənzimləməklə irəliləyiş əldə edildiyini vurğulayan Schulman, bununla belə, hələ görüləcək çox iş olduğunu bildirib.

Schulman qeyd edib ki, çətinliklərin öhdəsindən gəlmək özü ilə bəzi çətin qərarlar da gətirir və şirkət qlobal miqyasda 2000 işçini ixtisar edəcək ki, bu da ümumi işçi qüvvəsinin 7 faizinə bərabərdir.

Dan Schulman, söz mövzusu ixtisarların yaxın həftələrdə baş verəcəyini bildirib.

Texnologiya sənayesində ixtisar dalğası

Artan inflyasiya və mümkün tənəzzül texnologiya sənayesində narahatlıqlara səbəb olub. Bir çox texnologiya şirkəti, xüsusən də ABŞ-da keçən il minlərlə insanı işdən çıxarmaq qərarına gəldi.

Bu şirkətlər arasında Meta və Amazon kimi texnologiya sektorunda aparıcı şirkətlərin olması da diqqət çəkir.

ABŞ-ın texnologiya nəhənglərindən biri Microsoft 10 min işçisini, Google-un ana şirkəti Alphabet isə 12 min işçisini ixtisar edəcəyini açıqlayıb.

Texnologiya sektorunda ixtisarları izləyən Layoffs.fyi-nin məlumatına görə, texnologiya şirkətləri 2022-ci ilin əvvəlindən 237 mindən çox işçini ixtisar edib.

01.02.2023 07:25

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az