“Enagas” və “Fluxys” Trans-Adriatik Boru Kəmərindəki payını artırır

“Enagas” və “Fluxys” Trans-Adriatik Boru Kəmərindəki payını artırır

“Enagas” və “Fluxys” Trans-Adriatik Boru Kəmərindəki payını artırır

İsveçrənin enerji şirkəti olan “Axpo” "Trans Adriatic Pipeline AG" (TAP) konsorsiumundakı 5 %-lik payını 210 milyon avroya (228,6 milyon ABŞ dolları) İspaniyanın “Enagas” və Belçikanın “Fluxys” şirkətlərinə satmağa razılaşıb.

“Axpo”nun məlumatına görə, “Enagas” enerji şirkəti TAP-ın səhmlərinin 4 %-ni, qazötürücü sistem operatoru “Fluxys” isə qalan 1 %-ni “Axpo”dan alacaq.

İspaniya şirkətinin bəyanatında deyilir ki, “Enagas” TAP-ın 4 %-ni 168 milyon avroya əldə edəcək.

“Axpo”dan bildirilib ki, sövdələşmə normal şərtlərlə icra ediləcək və onun 2023-cü ilin ikinci yarısında yekunlaşacağı gözlənilir.

Bununla da, “Enagas” və “Fluxys”, TAP-ın digər 3 səhmdarı – Böyük Britaniyanın BP, Azərbaycan Dövlət Neft Şirkəti (SOCAR) və İtaliyanın SNAM şirkətləri kimi hər biri 20 % paya sahib olacaq.

Qeyd edək ki, Trans-Adriatik Boru Kəməri istismara verildiyi gündən - 2020-ci il dekabrın 31-dən bu yana boru kəməri vasitəsilə 18,5 milyard kubmetr qaz nəql edilib ki, bunun da təxminən 16 milyard kubmetri İtaliyaya olub. 2022-ci ildə İtaliyaya 3 milyard kubmetr çox qaz nəql olunub. Beləliklə, Azərbaycan İtaliyanın təbii qaza olan tələbatının 14 %-dən çoxunu ödəyir.

Xatırladaq ki, Trans-Adriatik Boru Kəmərinin tikintisi 2020-ci ilin oktyabrında başa çatıb. TAP-ın ümumi uzunluğu 878 km-dir ki, bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizinin dibi ilə, 8 km-i isə İtaliya ərazisindən keçir. Azərbaycan qazının TAP vasitəsilə İtaliya, Yunanıstan və Bolqarıstandakı istehlakçılara tədarükünə 2020-ci il dekabrın 31-dən başlanılıb.

“TAP AG” konsorsiumu boru kəmərinin ötürücülüyünün artırılması üçün 3 ssenarini nəzərdən keçirir: məhdud – ildə 14,4 milyard kubmetrə qədər, qismən məhdud – ildə 17,1 milyard kubmetrə qədər və tam - ildə 20 milyard kubmetrədək.

İllik 12.99%-dən 40 000 AZN-dək zaminsiz komissiyasız kredit!

27.01.2023 17:49

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az