Koreya şirkəti Qarabağda Külək Elektrik Stansiyasının tikintisində iştirak etmək istəyir

Koreya şirkəti Qarabağda Külək Elektrik Stansiyasının tikintisində iştirak etmək istəyir

Koreya şirkəti Qarabağda Külək Elektrik Stansiyasının tikintisində iştirak etmək istəyir

“2022-ci il 10 dekabr tarixində Xarici İşlər Nazirliyi tərəfindən təşkil olunmuş Zəngilan və Qubadlı rayonlarına səfər proqramında iştirak etdim. Proqram əsasında yeni istifadəyə verilmiş Zəngilan hava limanı ilə tanış olaraq, Azərbaycanda inşa edilmiş ilk “ağıllı kənd”ə də baş çəkdim”.

Bunu Koreya Respublikasının Azərbaycandakı fövqəladə və səlahiyyətli səfiri Li İn-Yonq deyib.

VTB-də yüksək depozit faizləri daha çox qazandırır

O bildirib ki, Ermənistanla müharibənin bitməsindən yalnız iki il keçməsinə baxmayaraq, irimiqyaslı yenidənqurma layihələri ilə Füzuli və Zəngilan rayonlarında beynəlxalq hava limanlarının açılması, Füzuli-Şuşa yolunun tikintisi, “ağıllı kəndlər”in salınması kimi Azərbaycanın qısa müddət ərzində əldə etdiyi nailiyyətlər heyrətamizdir: “İşğaldan azad olunmuş ərazilərin yenidən qurulması layihələri vasitəsilə Azərbaycan hökumətinin və xalqının məcburi köçkünləri tez bir zamanda geri qaytarmağa çalışmaq əzmini hiss etdim”.

Səfir Azərbaycanın işğaldan azad edilmiş ərazilərin yenidən qurulması layihəsini milli prioritet seçərək yenidənqurma layihələrini sürətlə həyata keçirdiyindən yaxşı xəbərdar olduqlarını da vurğulayıb.

Li İn-Yonq qeyd edib ki, bir çox Koreya şirkəti də Azərbaycanda yenidənqurma layihəsində iştirak etməkdə maraqlıdır. Koreyanın “Securo” şirkəti Kəlbəcər və Laçın rayonlarında 100 MVt gücündə Külək Elektrik Stansiyasının tikintisində iştirak etmək yollarını araşdırır: “Koreya Torpaq, İnfrastruktur və Nəqliyyat Nazirliyi Zəngilan ərazisində “ağıllı şəhər”in baş planının və texniki-iqtisadi əsaslandırmanın yaradılmasında iştirak etməkdə maraqlıdır. Koreya şirkətləri bərpa olunan enerji və “ağıllı şəhər” sahələrində mükəmməl texnologiyaya və rəqabət qabiliyyətinə malik olduğundan ümid edirəm ki, Azərbaycanın azad edilmiş regionlarında həyata keçirilən yenidənqurma layihələrində iştirak etmək üçün çoxlu imkanlar olacaq”.

İllik 12.99%-dən 40 000 AZN-dək zaminsiz komissiyasız kredit!

APA

24.01.2023 13:47

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az