Samsung-un əməliyyat mənfəəti dördüncü rübdə 69% azalıb

Samsung-un əməliyyat mənfəəti dördüncü rübdə 69% azalıb

Oktyabrdan dekabr ayına qədər olan dövr üçün mənfəət 3,4 milyard dollar təşkil edib.

Samsung-un əməliyyat mənfəəti dördüncü rübdə 69% azalıb

Cənubi Koreyanın “Samsung Electronics” korporasiyası 2022-ci ilin dördüncü rübündə (oktyabr-noyabr) əməliyyat mənfəətinin çiplərə və smartfonlara tələbatın az olması səbəbindən 2021-ci ilin eyni dövrü ilə müqayisədə 69% azaldığını bildirib.

Marja xəbər verir ki, müvafiq ilkin məlumat cümə günü şirkətin saytında dərc edilib.

Oktyabrdan dekabr ayına qədər olan dövrdə əməliyyat mənfəəti 4,3 trilyon von (3,4 milyard dollar) təşkil edib. Bir il əvvəl bu rəqəm 13,8 trilyon von (10,8 milyard dollar) idi. Şirkət 2022-ci ilin üçüncü rübündə 10,8 trilyon von (8,5 milyard dollar) əməliyyat mənfəəti əldə etmişdi.

Yonhap-ın məlumatına görə, şirkətin əməliyyat mənfəəti 2014-cü ildən bəri ilk dəfə rüblük olaraq 5 trilyon vondan (3,9 milyard dollar) azdır. Bütün il üçün əməliyyat gəlirinin 16% azalaraq 43 trilyon von (33,8 milyard dollar) olacağı proqnozlaşdırılır.

Dördüncü rübdə satışlar 2021-ci ilin eyni dövrü ilə müqayisədə 8,5% azalaraq 70 trilyon von (55 milyard dollar) təşkil edib.

Bütün 2022-ci ildə korporasiyanın satışlarının 7,9% artaraq rekord 301,7 trilyon vona (237 milyard dollar) çatacağı gözlənilir. Daha ətraflı maliyyə məlumatları yanvarın 31-də açıqlanacaq.

“Xarici biznes şəraiti ilə bağlı davam edən qeyri-müəyyənlik fonunda çip satışı müştərilərin - server operatorlarının, məlumat mərkəzlərinin, mobil telefon istehsalçılarının aşağı tələbi səbəbindən azalıb”, - deyə şirkət bildirib.

“Samsung Electronics” qeyd edib ki, ötən ilin dördüncü rübündə tələbin azalması gözlənildiyindən də əhəmiyyətli olub. Bu da öz növbəsində yaddaş çiplərinin qiymətinin daha çox ucuzlaşmasına səbəb olub. Bundan başqa, Cənubi Koreya korporasiyasının məlumatına görə, “makroiqtisadi problemlər” səbəbindən smartfon və məişət texnikasının satışı azalıb.

06.01.2023 08:11

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az