"Rusiyaya neft sanksiyaları böyük istehsal böhranı yaradacaq"

"Rusiyaya neft sanksiyaları böyük istehsal böhranı yaradacaq"

Beynəlxalq Enerji Agentliyinin prezidenti Fatih Birol enerji böhranını və onun gələcək dövr üçün nəticələrini qiymətləndirib. Böhranın enerji transformasiyasını sürətləndirəcəyini və bərpa olunan enerji texnologiyalarına keçidi sürətləndirəcəyini bildirən Birol, beynəlxalq neft şirkətlərinin Rusiyadan çıxmasının böyük bir istehsal böhranına səbəb olacağı ilə bağlı xəbərdarlıq edib.

"Rusiyaya neft sanksiyaları böyük istehsal böhranı yaradacaq"

Beynəlxalq Enerji Agentliyinin prezidenti Fatih Birol enerji böhranı və qarşıdakı dövrdə enerji xərcləri ilə bağlı açıqlamalar verib.

Marja xəbər verir ki, enerji idxal edən bir çox ölkənin xarici borc girdabına girmək (çıxılmaz vəziyyət) üzrə olduğunu vurğulayan Birol, bunun dünya iqtisadiyyatı üçün son dərəcə riskli bir vəziyyət olduğuna diqqət çəkib.

VTB-də yüksək depozit faizləri daha çox qazandırır

Avropada Rusiyadan qaynaqlanan enerji böhranına toxunan Birol bildirib ki, Avropanın böyük güc mərkəzləri enerji ilə bağlı özünü tənqid etməli və illərlə tədarük etdikləri enerjinin böyük hissəsini niyə bir ölkəyə bağladıqlarını soruşmalıdırlar. Qitənin indi bu qərara görə cəzalandırıldığını qeyd edən Birol, böyük sürprizin bu qışda ola biləcəyini qeyd edib.

“Rusiya 24 fevrala qədər dünyanın ən böyük enerji ixracatçısı idi”

Rusiyanın Ukrayna müharibəsindən əvvəl enerji sisteminin təməl daşlarından biri olduğunu və 24 fevralda müharibə başlamazdan əvvəl dünyanın ən böyük enerji ixracatçısı olduğunu ifadə edən Birol, “Avropa Rusiya üçün olduğu qədər Rusiya da Avropa üçün əhəmiyyətli idi.", - deyib

Birol Rusiyanın indiyə qədər ən böyük müştərisini itirdiyini və onu dərhal digər müştərilərlə əvəz etməyin asan olmadığını qeyd edərək, sanksiyalar ilə əlaqədar beynəlxalq neft şirkətlərinin Rusiyadan çıxmasının hasilat böhranı yaradacağı ilə bağlı xəbərdarlıq edib.

Böhranın "yaşıl" və təhlükəsiz enerji texnologiyalarına keçidi sürətləndirəcəyini qeyd edən Fatih Birol, qarşıdakı 5 ildə xüsusilə günəş, quru və dəniz küləyində bərpa olunan enerji gücünün 2400 gigabayt artacağını proqnozlaşdırıb.

Nəqliyyat sektorunda təmiz enerjidən istifadə baxımından böyük transformasiya olduğuna diqqət çəkən Beynəlxalq Enerji Agentliyinin prezidenti dünyada nüvə sahəsində ciddi və çox sürətli dönüş olduğunu və bunun səbəbinin daha çox enerji təhlükəsizliyi olduğunu vurğulayıb.

23.12.2022 15:22

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az