Gəncə kənd təsərrüfatı məhsullarının istehsalında da iştirak edir

Gəncə kənd təsərrüfatı məhsullarının istehsalında da iştirak edir

Gəncə kənd təsərrüfatı məhsullarının istehsalında da iştirak edir

Gəncə şəhərində 2022-ci idə kənd təsərrüfatı bitkiləri məhsullarının toplanışı haqqında məlumatlar açıqlanıb.

Gəncə Şəhər Statistika İdarəsinin yaydığı məlumata görə, kənd təsərrüfatı sahəsində ərzaq təhlükəsizliyinin təmin olunması üçün bitkiçilik və heyvandarlıq sahələrinin inkişaf etdirilməsi, ərzaq məhsulları ilə özünü təminetmə səviyyəsinin daha da yaxşılaşdırılması vacib məsələlərdəndir. Kənd təsərrüfatının inkişaf etdirilməsi üzrə nəzərdə tutulmuş tədbirlərin yerinə yetirilməsi kənd təsərrüfatına yararlı torpaqlardan daha səmərəli istifadə edilməsınə möhkəm zəmin yaratmışdır. Gəncə şəhəri əsasən sənaye şəhəri olmasına baxmayaraq, kənd təsərrüfatı məhsulları istehsalı sferasında da qismən iştirak edir.

Şəhərdə 2022-ci lin məhsulu üçün 61,2 hektar sahədə əkin işləri aparılmış, ondan 29,0 hektarı payızlıq arpa, 32,2 hektarı tərəvəz bitkiləri təşkil etmişdir. Hazırda 2022-ci ilin məhsulu üçün kənd təsərrüfatı məhsullarının toplanışı başa çatmış, sahələrdən 64,0 ton arpa, 112,6 ton tərəvəz toplanmış, 2021-ci ilə nisbətən arpa istehsalı 11,5 ton, tərəvəz istehsalı 9,2 ton artmış, arpanın məhsuldarlığı 22,1 sentner/ha, tərəvəzin məhsuldarlığı 35,0 sentner/ha təşkil etmişdir.

İl ərzində 1,1 hektarı yeni salınmış meyvə və giləmeyvə bağlarının ümumi sahəsi 01 dekabr vəziyyətinə 332,4 hektar (ondan 307,5 hektarı bar verən yaşda) təşkil etmiş, bağlardan 864,6 ton məhsul toplanmış və məhsuldarlıq 28,1 sentner/ha olmuşdur.

108,8 hektarı bar verən yaşda olmaqla üzüm bağlarının sahəsi 127,2 hektar təşkil etmiş, sahələrdən talvar üzümü də daxil olmaqla 532,9 ton məhsul toplanmışdır.