Türkmənistan qazının Azərbaycan və Türkiyə vasitəsilə nəqli məsələsi müzakirə olunacaq

Türkmənistan qazının Azərbaycan və Türkiyə vasitəsilə nəqli məsələsi müzakirə olunacaq

Türkmən qazının Rusiyadan istifadə etmədən müxtəlif marşrutlarla nəqli planları keçmişdə uğurlu olmamışdı. Lakin Ukraynanın işğalı və işğalın enerji bazarlarına mənfi təsiri əvvəllər mümkün olmayan müxtəlif enerji marşrutu ideyalarının canlanmasına səbəb olub.

Türkmənistan qazının Azərbaycan və Türkiyə vasitəsilə nəqli məsələsi müzakirə olunacaq

Gələn həftə Türkiyə Prezidenti Rəcəb Tayyib Ərdoğan Türkmənistan və Azərbaycan liderləri ilə türkmən qazının Türkiyə vasitəsilə Avropaya nəqli ideyasını müzakirə edəcək.

Marja "Bloomberg”ə istinadən xəbər verir ki, Türkmənistan qazının TANAP vasitəsilə əvvəlcə Azərbaycana, sonra isə Türkiyəyə nəqli məsələsinin müzakirə olunacaq.

Mənbələr bildiriblər ki, türkmən qazının dəniz yolu ilə Azərbaycana nəqli və oradan TANAP vasitəsilə Türkiyə üzərindən nəqli ideya gündəmdədir.

Təklif olunan plan üzrə qazın təhvilinin nə vaxt həyata keçiriləcəyi və ya planın qısa müddətdə texniki cəhətdən mümkün olub-olmayacağı bəlli deyil. Türkmən qazının Rusiyadan istifadə etmədən müxtəlif marşrutlarla nəqli planları keçmişdə uğurlu olmamışdı. Lakin Ukraynanın işğalı və işğalın enerji bazarlarına mənfi təsiri əvvəllər mümkün olmayan müxtəlif enerji marşrutu ideyalarının canlanmasına səbəb olub.

Türkiyə Avropa ilə Asiya arasında strateji yerləşməsi və Qara dənizə çıxışa nəzarəti sayəsində əsas enerji dəhlizinə çevrilmək üçün çalışır.

Türkiyə də iqtisadi və diplomatik əlaqələrini gücləndirmək üçün enerji layihələrindən faydalanmaq istəyir. Bu yaxınlarda TANAP-ın gücünün iki dəfə artırılaraq 32 milyard kubmetrə çatdırılması qərara alınıb.

Rusiyanın Avropa İttifaqına təbii qaz tədarükünü kəsməsi enerji qiymətlərində sıçrayışa səbəb olub.

Azərbaycan qazı Avropanın Rusiyadan tədarük boşluğunun doldurulmasında rol oynasa da, Türkmənistanın böyük ehtiyatları əsasən istifadə olunmur. Türkmənistan öz qazını Avropaya göndərə bilmir, çünki neftinin Xəzər dənizi üzərindən boru kəmərləri ilə nəqlinə dair razılaşmalar yerinə yetirilməyib.

BP-nin Dünya Enerji Statistikası Hesabatına əsasən, Türkmənistanın təbii qaz təchizatının üçdə biri Çin göndərilir. Qalanı isə ölkə daxilində istifadə edilir və Rusiyaya tədarük edilir.

09.12.2022 16:48