Chevron-un rəhbəri Rusiya neftinin qiymət tavanının effektivliyinə şübhə ilə yanaşdığını bildirib

Chevron-un rəhbəri Rusiya neftinin qiymət tavanının effektivliyinə şübhə ilə yanaşdığını bildirib

Chevron-un rəhbəri Rusiya neftinin qiymət tavanının effektivliyinə şübhə ilə yanaşdığını bildirib

Amerikanın “Chevron” neft şirkətinin rəhbəri Maykl Virt (Michael Wirth) Qərb ölkələrinin Rusiya neftinin qiymətinə yuxarı həddi tətbiq edən hərəkətlərinin effektivliyinə şübhə etdiyini bildirib.

Marja xəbər verir ki, o, bu barədə cümə axşamı Financial Times qəzetinin təşkil etdiyi forumda çıxışı zamanı danışıb.

VTB-də minimal faiz dərəcəsi ilə nağd kredit 9.9%-dən

"Yalnız bir neçə ölkənin tətbiq etdiyi inzibati mexanizm vasitəsilə mürəkkəb qlobal bazarı cilovlamaq olduqca çətindir", -Virt deyib .

O, həmçinin əlavə edib ki, hazırda tətbiq edilən qaydalara əməl edilməsinin necə təmin ediləcəyi tam aydın deyil.

“Reallıq ondan ibarətdir ki, bu bazarlarda sanksiya rejimləri tarixən sistemdən yan keçənlər üçün böyük qazanc əldə etmək imkanları yaradıb və beləliklə, arzulanan geosiyasi məqsədlərə çox vaxt nail olunmur”, - deyə Virt bildirib.

Dekabrın 5-də Rusiya neftinin Avropa İttifaqına (Aİ) dəniz yolu ilə nəqlinə embarqo qüvvəyə minib. Həmçinin, Aİ ölkələri dəniz yolu ilə daşınan Rusiya neftinin bir barelinin maksimum 60 dollar səviyyəsində tənzimlənən "tavan qiyməti" barədə razılığa gəliblər. Analoji qərar G7 dövlətləri və Avstraliya tərəfindən də qəbul edilib. Bundan başqa, Qərb ölkələri öz şirkətlərinə Rusiyadan neft daşıyan tankerlərə razılaşdırılmış qiymətdən yüksək qiymətə nəqliyyat, maliyyə və sığorta xidmətləri göstərməsinə qadağa qoyub.

09.12.2022 08:28