Ən yuxarı statik reklam-3_3
Ən yuxarı (mobil)_30

Ağ Ev: ABŞ neftin qiymətini 70 dollara endirməyə çalışmır

Ağ Evin mətbuat katibi Karine Jean-Pierre-in sözlərinə görə, administrasiya bazarlarda "neft təklifinin tələbata uyğun olmasını" təmin etməyə çalışır.
iç səhifə xəbər başlığı altı (mobil)_31
Ağ Ev: ABŞ neftin qiymətini  70 dollara endirməyə çalışmır

ABŞ administrasiyası neftin qiymətini bir barel üçün 70 dollara endirməyə çalışmır, sadəcə olaraq bu qiymət səviyyəsində strateji ehtiyatı üçün neft alışını bərpa etməyə hazır olduğunu bildirir.

Marja xəbər verir ki, bunu çərşənbə günü jurnalistlər üçün keçirdiyi növbəti brifinqdə Ağ Evin mətbuat katibi Karine Jan-Pyer deyib.

"Biz demirik ki, neftin qiymətini 70 dollara endirməyə çalışırıq. Biz bunu deməyə çalışmırıq", - o, jurnalistin sualını cavablandırıb. "Biz deyirik ki, əgər bu qiymət 70 dollara düşərsə, o zaman şirkətlər bilməlidirlər ki, ABŞ hökuməti bazara alıcı kimi daxil olacaq", - Jean-Pierre izah edib.

Jean-Pierre həmçinin əmin edib ki, Vaşinqton çevik hərəkət edə və neftin “istənilən bazar dəyəri ilə strateji ehtiyatını artıra bilər”.

"Lakin biz tədarükçülərə bildirmək istəyirik ki, biz bazarı müəyyən edilmiş qiymət səviyyəsində dəstəkləyəcəyik", - o əlavə edib.

Ağ Evin mətbuat katibinin sözlərinə görə, ABŞ administrasiyası bazarlarda “neft təklifinin tələbata uyğun olmasını” təmin etməyə sadiqdir. 

Dünən Ağ Ev yaydığı məlumatda bildirmişdi ki, Energetika Nazirliyi WTI markalı neftin qiyməti 67-72 dollar/barel civarına çatdıqda strateji ehtiyat üçün neftin alınmasına başlamağı planlaşdırır. Hazırda ABŞ Energetika Nazirliyi qiymətləri aşağı salmaq üçün ehtiyatlardan neft satmaqla məşğuldur. 

20.10.2022 08:53

Müştərilərin xəbərləri

Mobil Manşet alt reklam-2_22
Manşetin sağı-2_5
Esas-sehifede-reklam-3_8
Xəbər mətn sağ 2-ci_16
Xəbər mətn sağ 3-cü-2_17
Xəbər mətn sağ -18_18