Avropa İttifaqı ölkələri 6 ayda enerji idxalına 380 milyard avro xərcləyib

Avropa İttifaqı ölkələri 6 ayda enerji idxalına 380 milyard avro xərcləyib

Avropa İttifaqı (Aİ) Şurasının sədri Çarlz Mişel üzv ölkələrin bu ilin ilk yarısında 380 milyard avro enerji idxal etdiyini bildirib.

Avropa İttifaqı ölkələri 6 ayda enerji idxalına 380 milyard avro xərcləyib

Mişel “Avropa İttifaqının indi real Enerji Birliyinə ehtiyacı var” başlıqlı məqalə yazıb.

Marja xəbər verir ki, Rusiya prezidenti Vladimir Putinin Ukraynada başladığı müharibə ilə Avropaya "enerji raketi" atdığını bildirən Mişel, Putinin Avropa iqtisadiyyatını məhv etmək, cəmiyyətini zəiflətmək və mənəviyyatsızlaşdırmaq istədiyini bildirib.

"Əsl enerji ittifaqına təcili ehtiyac var",- Mişel bildirib.

Avropadakı ev təsərrüfatlarının və şirkətlərin son dərəcə yüksək enerji ödənişləri ilə üzləşdiyini xatırladan Mişel, "AB-nin 2022-ci ilin ilk yarısında enerji idxalı təxminən 380 milyard avro təşkil etdi. Bu, adətən bir il üçün ödədiyimiz məbləğə yaxındır",- bildirib.

Mişel qeyd edib ki, Aİ ölkələrinin enerji sahəsində ticarət kəsiri 2022-ci ilə qədər iki dəfə artaraq ÜDM-in təxminən 5 faizini təşkil edəcək.

Üzv dövlətlərin hökumətlərinin enerji böhranı qarşısında ev təsərrüfatlarını və müəssisələri qorumaq üçün dövlət xərclərini artırdıqlarını xatırladan Mişel, "Bu maliyyə səyinin hazırda yarım trilyon avro olduğu təxmin edilir və sürətlə artır",- deyib.

Mişel, üzv ölkələrin enerji böhranında birlikdə hərəkət etmələrinin əhəmiyyətinə diqqət çəkərək, "Mən əsl Enerji Birliyinə çağırıram" ifadəsini işlədib.

Mişel ümumi enerji strategiyasının bəzi əsas məqsədlərinin olmasının vacibliyinə diqqət çəkərək, enerji istehlakını daimi olaraq azaltmaq, etibarlı təchizatçılarla təchizat təhlükəsizliyini təmin etmək, enerji platforması ilə birgə alış-veriş etmək, enerji resurslarını diversifikasiya etmək, qiymətləri aşağı salmaq, elektrik enerjisi bazarının fəaliyyətini yaxşılaşdırmaq lazım olduğunu bildirib.

10.10.2022 22:08

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az