Qlobal iqtisadi artım proqnozunu aşağı salan BVF-dən böhran xəbərdarlığı

Qlobal iqtisadi artım proqnozunu aşağı salan BVF-dən böhran xəbərdarlığı

Beynəlxalq Valyuta Fondu (BVF) dünya iqtisadiyyatının tezliklə tam böhran astanasında ola biləcəyi ilə bağlı xəbərdarlıq edərək, bu il və gələn il üçün qlobal artım proqnozlarını aşağı salıb. BVF yenilənmiş Qlobal İqtisadi Proqnozlar Hesabatında qlobal iqtisadi artımın bu il 3,2 faizə qədər yavaşlayacağını proqnozlaşdırıb.

Qlobal iqtisadi artım proqnozunu aşağı salan BVF-dən böhran xəbərdarlığı

Beynəlxalq Valyuta Fondu (BVF) yüksək inflyasiya və Ukrayna müharibəsindən qaynaqlanan risklərin reallaşdığını, nəzarət altına alınmasa, dünya iqtisadiyyatını tənəzzül həddinə çatdıra biləcəyi barədə xəbərdarlıq edərək qlobal artım proqnozlarını yenidən aşağı salıb.

Marja xəbər verir ki, təşkilat 2022-ci il üçün qlobal iqtisadi artım proqnozunu 3,6 faizdən 3,2 faizə endirib.

2023-cü il üçün gözlənti 3,6 faizdən 2,9 faizə endirilib.

Təşkilat qiymətləndirməsində 2023-cü il üçün tənəzzül riskinin artdığını bildirib.

İnkişaf etmiş iqtisadiyyatlar üçün 2022-ci il üzrə artım proqnozunu 3,3 faizdən 2,5 faizə endirən BVF, 2023-cü il üçün proqnozunu da 2,4 faizdən 1,4 faizə endirib.

ABŞ iqtisadiyyatı üçün 2022-ci il artım proqnozunu 3,7 faizdən 2,3 faizə endirən BVF, Avro Bölgəsi ilə bağlı artım gözləntisini 2,8 faizdən 2,6 faizə, Böyük Britaniya iqtisadiyyatı ilə bağlı 2022-ci il üçün artım proqnozunu 3,7 faizdən 3,2 faizə endirib.

ABŞ iqtisadiyyatı üçün 2023-cü il üzrə artım proqnozunu 2,3 faizdən 1,0 faizə endirən BVF, Avro Bölgəsi üçün artım gözləntisini də 2,3 faizdən 1,2 faizə endirib. BVF, Böyük Britaniya iqtisadiyyatı üçün 2022-ci il üçün artım proqnozunu 1,2 faizdən 0,5 faizə endirib.

İnkişaf etməkdə olan ölkələr üçün 2022-ci il üzrə artım gözləntisi 3,8 faizdən 3,6 faizə, 2023-cü il üçün proqnoz isə 4,4 faizdən 3,9 faizə endirilib. Çin iqtisadiyyatı üzrə 2022-ci il üçün artım gözləntisi 4,4 faizdən 3 faizə, 2023-cü il üçün artım proqnozunu isə 5,1 faizdən 4,6 faizə endirilib.

26.07.2022 18:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az