Yüksək inflyasiya Baydendən narazı olanların artmasına səbəb olur

Yüksək inflyasiya Baydendən narazı olanların artmasına səbəb olur

ABŞ-da yüksək inflyasiya prezident Co Baydenə dəstəyin azalmasına səbəb olur. Reuters/Ipsos-un araşdırmasına görə, ölkədə prezidentin dəstəkləyənlərin xüsusi çəkisi 41%-ə düşüb.

Yüksək inflyasiya Baydendən narazı olanların artmasına səbəb olur

ABŞ-da son 40 ilin ən yüksək səviyyəsinə çatan inflyasiya vətəndaşların prezident Co Baydenə olan razılığının azalmasına səbəb olur.

Marja xəbər verir ki, Reuters/Ipsos-un sorğusuna görə, prezident Baydenə dəstək 41 faizə düşüb. Martın ortalarında Baydenə dəstək 40 faizlə ən aşağı səviyyəyə düşmüş, sonra 45 faizə yüksəlmişdi. Lakin açıqlanan inflyasiya məlumatları prezidentə baxışı mənfi istiqamətdə dəyişib.

VTB-də minimal faiz dərəcəsi ilə nağd kredit 9.9%-dən

ABŞ-da istehlak qiymətləri indeksi mart ayında aylıq 1,2 faiz, illik müqayisədə isə 8,5 faiz artıb ki, bu da 1981-ci ilin dekabrından bəri ən böyük artımdır.

Sözügedən dövrdə benzin, mənzil və ərzaq indekslərindəki artımlar istehlak qiymətlərinin artmasında təsir göstərmişdir. Benzinin qiyməti mart ayında aylıq 18,3 faiz, illik 48 faiz artıb.

Məlumatlardan sonra Bayden administrasiyası yanacaq qiymətləri ilə bağlı hərəkətə keçib. Ağ Evdən verilən açıqlamada, Baydenin benzinin qiymətini aşağı salmaq üçün "əlindən gələn hər şeyi etməyə qərarlı olduğu" bildirilib.

Açıqlamda deyilir ki, Bayden administrasiyasının yerli bioyanacaqların inkişafını təşviq etmək strategiyası - qısa müddətdə amerikalıların əlverişli yanacaq seçimlərini genişləndirmək və uzunmüddətli perspektivdə enerji müstəqilliyinə nail olmaq üçün ənənəvi yanacaqlardan asılılığı azaltmaq üçün çox vacibdir.

Açıqlamada Baydenin yanacaq tədarükünü artıraraq benzinin qiymətini aşağı salmaq məqsədinə çatmaq üçün yeni addımlar atdığı, 15 faiz etanol qarışığından istifadə edilən və “E15” adlandırılan benzinə icazə veriləcəyi qeyd edilib.

13.04.2022 07:58