Brent neftinin qiyməti "Rusiyanın Ukraynaya qarşı hərbi əməliyyatı ilə" 102 dolları keçdi

Brent neftinin qiyməti "Rusiyanın Ukraynaya qarşı hərbi əməliyyatı ilə" 102 dolları keçdi

Rusiya prezidenti Vladimir Putin Ukraynanın şərqində Donbasda xüsusi hərbi əməliyyata başladıqlarını açıqladıqdan sonra neftin qiyməti 102 dolları keçib.

Marja xəbər verir ki, Bakı vaxtı ilə saat 08:41-də Brent nefti 4,6% bahalaşma ilə 102.07 dollardan ticarət olunub.

VTB-də yüksək depozit faizləri daha çox qazandırır

Xəbər verdiyimiz kimi, Rusiya prezidenti Vladimir Putin Ukraynanın şərqində Donbasda xüsusi hərbi əməliyyata başladıqlarını açıqlayıb.

Ukraynanın Donbas vilayətində yerləşən Kramatorsk şəhərində 2 güclü partlayış səsi eşidilib.

Daxil olan xəbərlər arasında böyük partlayış səslərinin Ukraynanın paytaxtı Kiyevdə də eşidildiyi barədə məlumatlar var.

Rusiya Prezidenti Vladimir Putin "Donbasın müdafiəsi üçün" xüsusi əmliyyat keçirilməsilə əlaqədar xalqa müraciət edib.

Rusiya Prezidenti bildirib ki, ölkəsinin Ukraynanı işğal etmək planı yoxdur, lakin onun demilitarizasiyasına çalışır.

“Şimali Atlantika Alyansı Ukraynanı mənimsədiyi halda Rusiya özünü təhlükəsiz hiss edə bilməz. Ukraynadakı vəziyyətə kənar müdaxilə olarsa, Rusiya dərhal cavab verəcək” – deyə Putin vurğulayıb.

ABŞ- Prezidentindən açıqlama

ABŞ prezidenti Co Bayden, "Bu hücumun gətirəcəyi ölüm və dağıntılara görə yalnız Rusiya məsuliyyət daşıyır. ABŞ və müttəfiqləri birlik və qətiyyətlə cavab verəcəklər" deyib.

Ukraynadan ilk açıqlama

Ukraynanın xarici işlər naziri Dmitri Kuleba əməliyyatdan sonra verdiyi ilk açıqlamalarda "Putin Ukraynaya qarşı genişmiqyaslı müharibəyə başladı. Ukraynanın dinc şəhərlərinə hücumlar davam edir. Ukrayna özünü müdafiə edəcək və qalib gələcək. Dünya Putini dayandıra bilər və etməlidir", - deyib.

24.02.2022 08:28

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az