Qərb ölkələrinin sanksiyaları ilə Ruiya SWIFT sistemindən çıxarılsa, Rusiya SWIFT-ə alternativ tapa biləcək.

Marja xəbər verir ki, bunu  “Valday” klubunun eksperti, Xarici və Müdafiə Siyasəti Şurasının (SVOP) üzvü Aleksandr Losev bildirib.

“Uzunmüddətli perspektivdə SWIFT sisteminin özünün perspektivi çox da qorunmur, çünki bu cür təhlükələr nə qədər çox səslənsə, bir o qədər alternativ sistemlər meydana çıxacaq. Avropalılar artıq İranla ticarət üçün SWIFT-ə bənzər bir sistem hazırlayıblar, Çin isə özününkini hazırlayıb”.

Analitikin fikrincə, Rusiya, xüsusən də Çin versiyasına qoşula bilər. “Təhlükələr nə qədər çox olarsa, alternativlərin ortaya çıxma ehtimalı bir o qədər yüksəkdir və SWIFT-ə artıq ehtiyac qalmayacaq”, Losev əlavə edib.

O, “Şimal axını 2” layihəsinə qarşı təhdidləri şərh edərək, qaz kəmərinin hələ də istifadəyə veriləcəyinə əminliyini ifadə edib.

“İlin ikinci yarısında gözlənildiyi kimi işləyəcək. Avropa Rusiya nefti və qazı olmadan yaşaya bilməz. Avropa yalnız indi 400 milyard kubmetr idxal edir, eyni zamanda gələcəkdə təbii qaza ehtiyac artacaq. Qətər artıq etiraf edib ki, onu əvəz edə bilməyəcək, Amerika isə maye qazla əvəz edə bilməyəcək. Avropanın getməyə yeri yoxdur”, - ekspert vurğulayıb.

“Biz Avropanın hər cür istisnalara necə hazır olduğunu görürük, bu o deməkdir ki, ciddi sanksiyalar olmayacaq, çünki sərt sanksiyalar yalnız Rusiyanın ticarət əlaqələri saxladığı bütün ölkələr eyni vaxtda və ən sərt formada tətbiq etdikdə ola bilər. Əgər bəzi ölkələr bunu etmək istəmirsə, o zaman sərt sanksiyalar tətbiq oluna bilməz”, - deyə ekspert yekunlaşdırıb.

Fevralın 21-də Rusiya prezidenti Vladimir Putin "DXR" və "LPR"nin suverenliyinin tanındığını elan edib. Onların rəhbərləri ilə dostluq, əməkdaşlıq və qarşılıqlı yardım haqqında müqavilələr imzalanıb. Rusiya prezidentinin qərarı Avropa İttifaqı ölkələrində mənfi reaksiyaya səbəb olub. Qərbdə bu, beynəlxalq hüququn, eləcə də Ukraynanın suverenliyinin və ərazi bütövlüyünün pozulması kimi qiymətləndirilib. ABŞ və Böyük Britaniya artıq Rusiyaya qarşı sanksiyalar tətbiq etmək niyyətlərini açıqlayıblar, yeni məhdudiyyətlər məsələsi Avropa İttifaqı, Kanada və Yaponiya tərəfindən də öyrənilir. Kiyev vurğulayıb ki, “onlar öz ərazilərini heç kimə vermək niyyətində deyillər”.