VTB Qrupu 2021-ci ildə rekord xalis mənfəət əldə edib

VTB Qrupu 2021-ci ildə rekord xalis mənfəət əldə edib

327 milyard rubl!

VTB Qrupu 2021-ci ildə rekord xalis mənfəət əldə edib

Rusiyanın VTB Qrupunun Beynəlxalq Maliyyə Heabatları Standartları (BMHS) üzrə 2021-ci ilin sonunda xalis mənfəəti 2020-ci illə müqayisədə 4,3 dəfə artaraq 327,4 milyard rubl təşkil edib.

Marja xəbər verir ki, bu, qrupun tarixində ən yaxşı rəqəmdir. Əvvəlki rekord 2019-cu ildə qeydə alınıb - 201 milyard rubl xalis mənfəət.

2020-ci ildə VTB Qrupu BMHS çərçivəsində 75,3 milyard rubl xalis mənfəət əldə etmişdir.

2021-ci ilin dördüncü rübünün nəticələrinə görə, VTB-nin xalis mənfəəti 69,8 milyard rubla çatıb ki, bu da 2020-ci ilin eyni dövrü ilə müqayisədə 4,3 dəfə çoxdur.

Qrupun 2021-ci il üçün aktivləri 15% artaraq 31 dekabr 2021-ci il tarixinə 20,85 trilyon rubla çatıb.

Müştərilərə verilən kreditlər və avanslar portfeli (repo müqavilələri üzrə girov qoyulmuş ehtiyatlar daxil olmaqla) il ərzində 11,6% artaraq 14,7 trilyon rubla çatıb.

Hüquqi şəxslərə verilən kreditlər 9,9 trilyon rubla (artım 6,7%), fiziki şəxslərə verilən kreditlər isə 4,8 trilyon rubla (artım 23,5%) çatıb.

Müştəri vəsaitləri hesabat ilində 18,3% artaraq 15,2 trilyon rubla, hüquqi şəxslərin vəsaitləri isə 23,5% artaraq 8,8 trilyon rubla, fiziki şəxslərin vəsaitləri isə 11,9% artaraq 6,4 trilyon rubla çatıb.

İl ərzində qrup həmçinin bir il əvvəlki 249,8 milyard rubla qarşı 116 milyard rubl ehtiyat yaratmışdır.

2022-ci il üçün planlar haqqında

Mətbuat konfransı zamanı VTB İdarə Heyətinin üzvü Dmitri Pyanov bildirib ki, qrup bazardakı qeyri-sabit konyukturaya görə, hələlik 2022-ci il üçün maliyyə proqnozları verməkdən çəkinəcək: “Biz bazarda vəziyyət sabitləşdikdən sonra 2022-ci il üçün gözləntilər və planlar barədə bazara məlumat verməyi planlaşdırırıq”.

VTB-nin 2019-2022-ci illər üçün strategiyasına əsasən, 2022-ci ildə qrupun xalis mənfəəti 310 milyard rubl təşkil etməlidir.

22.02.2022 11:39

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az