“Yeddilik” (G7) ölkələri Rusiyanın Ukraynaya müdaxiləsi halında Moskvaya qarşı sanksiyalar tətbiq etməyə hazırdır, bu da Rusiya iqtisadiyyatı üçün “genişmiqyaslı və dərhal ağır nəticələrə” gətirib çıxaracaq. 

Marja xəbər verir ki, bu barədə G7-nin maliyyə nazirlərinin bəyanatında deyilir.

Bəyanatda deyilir: “Biz Rusiya iqtisadiyyatı üçün genişmiqyaslı və dərhal ağır nəticələrə səbəb olacaq iqtisadi və maliyyə sanksiyalarını kollektiv şəkildə tətbiq etməyə hazırıq”. 

ABŞ, Almaniya, İtaliya, Kanada Fransa, Böyük Britaniya və Yaponiyanın da daxil olduğu yeddi iqtisadi cəhətdən inkişaf etmiş dövlətin bu qeyri-rəsmi birliyinin maliyyə nazirliklərinin rəhbərlərinin bəyanatında deyilir: “Rusiyanın Ukraynaya qarşı növbəti hərbi təcavüzü sürətli, əlaqələndirilmiş və qətiyyətli cavabla qarşılanacaq”.

Nazirlərin bəyanatında vurğulanır ki, G7 “[Rusiya ilə sərhəddə vəziyyətin] deeskalasiyasının təcili olaraq diplomatik yolun müəyyənləşdirilməsi üzrə davam edən səyləri dəstəkləməklə yanaşı, Ukrayna iqtisadiyyatını dəstəkləmək üçün tez və qətiyyətli hərəkət etmək niyyətindədir.

Bundan əvvəl o da məlum olub ki, “Yeddilik” ölkələrinin liderləri fevralın 24-də Ukrayna ətrafındakı vəziyyəti virtual formatda müzakirə etmək niyyətindədirlər. Bloomberg-in mənbələrə istinadən verdiyi məlumata görə, görüşdə sərhəddəki vəziyyət və Rusiya qüvvələrinin “toplanması” müzakirə olunacaq. Agentlik xəbərində qeyd edib ki, iclasda “Rusiya Ukraynaya hücum etmək qərarına gəldiyi təqdirdə” mümkün sanksiyaların tətbiqi məsələsi qaldırılacaq.

XXX

G7-nin maliyyə nazirləri Rusiyanın Ukraynaya hücumunun “böyük iqtisadi nəticələri olacağı” barədə xəbərdarlıq edib.

G7 maliyyə nazirləri tərəfindən yazılan birgə bəyanatda Ukraynaya hücuma oordinasiyalı və güclü cavab veriləcəyi bildirilib.

Marja xəbər verir ki, bəyanatda, "Rusiyanın Ukrayna sərhədində davam edən hərbi güclənməsi dərin narahatlıq doğurur. Biz G7-nin maliyyə nazirləri olaraq, Ukrayna iqtisadiyyatını sürətlə və qətiyyətlə dəstəkləməyə hazır olduğumuzu vurğulayırıq", - deyilir.