Ukraynada gərginliyin artması fonunda neft və qızıl daha da bahalaşdı

Ukraynada gərginliyin artması fonunda neft və qızıl daha da bahalaşdı

Ukrayna və Rusiya arasında gərginliyin artmasından sonra neftin qiyməti 3%-dən çox artıb.

Ukraynada gərginliyin artması fonunda neft və qızıl daha da bahalaşdı

Brent markalı neftin bir barrelinin qiyməti 3,5 faiz artaraq 94,59 dollara satılıb. Eyni zamanda, West Texas Intermediate (WTI) xam nefti 4 faiz bahalaşaraq barrelinin qiyməti 93,5 dollara çatıb. Neftin qiyməti 2014-cü ilin sonundan bəri ən yüksək həddə çatıb.

Marja xəbər verir ki, Ukrayna və Rusiya arasındakı gərginliklə bağlı Avropa və ABŞ-ın ardıcıl bəyanatları neftin qiymətinin qalxması tendensiyasına səbəb olub.

VTB-də minimal faiz dərəcəsi ilə nağd kredit 9.9%-dən

Rusiya hərbi qüvvələrinin Ukrayna sərhədində cəmlənməsinin hərbi əməliyyat təhlükəsini artırdığını bildirən İngiltərə, vətəndaşlarının Ukraynaya getməməsini, oradakı vətəndaşlarının isə ölkəni tərk etmələrini tələb edib.

Avropa İttifaqı (Aİ) rəsmiləri də vacib olmayan işçiləri Ukraynanı tərk etməyə çağırıb.

ABŞ-ın milli təhlükəsizlik üzrə müşaviri Jake Sullivan deyib ki, Rusiya “Çin Olimpiadası” bitməmişdən əvvəl Ukraynaya müdaxiləyə başlaya bilər. Sallivan Ukraynaya təcavüzün hər an başlaya biləcəyini, amerikalıların ölkəni dərhal tərk etməli olduqlarını və işğal olacağı təqdirdə təxliyə əməliyyatı keçirməyəcəklərini bildirib.

Qlobal neft tələbinin canlanması, eyni vaxtda təklifin daha da pisləşəcəyi gözləntiləri neftin qiymətini yüksəldən digər amillərdir.

QIZIL DA BAHALAŞIB

Digər tərəfdən, artan inflyasiya narahatlıqları ilə əlaqədar olaraq qızıl qiymətləri də artıb. Qızıl 1,8 faiz də bahalaşaraq bir unsiyası 1860 dollar olub.

ABŞ-da açıqlanan İstehlak Qiymətləri İndeksi (CPI, inflyasiya götəricisi) yanvar ayında gözləntiləri aşaraq illik 7,5% artıb. Bu, ABŞ-da 1982-ci ildən bəri (son 40 ildə) ən yüksək inflyasiyadır.

Gözləntiləri üstələyən inflyasiya məlumatlarının ardından ABŞ Federal Ehtiyat Sisteminin (FED) mart ayında faiz dərəcələrini 0,50 bənd artıracağı ehtimalı yüksəlib.

12.02.2022 09:43