Unilever-də inflyasiya narahatlığı

Unilever-də inflyasiya narahatlığı

Unilever, inflyasiyanın yaratdığı təzyiq ilə əlaqədar olaraq yalnız iki ildən sonra 2021 gəlirlilik səviyyələrinə qayıda biləcəklərini və əməliyyat mənfəət marjasında itki olacağını söylədi.

Böyük Britaniyanın nəhəng istehlak malları şirkəti Unilever, inflyasiyanın yaratdığı təzyiq ilə əlaqədar olaraq yalnız iki ildən sonra 2021-ci il gəlirlilik səviyyələrinə qayıda biləcəklərini açıqlayıb.

Marja xəbər verir ki, 2022-ci ilin ilk rübündə inflyasiyanın pik həddə çatacağını gözləyən Unilever, xammal xərclərinin təxminən 2 milyard avro artacağını təxmin edir.

VTB-də minimal faiz dərəcəsi ilə nağd kredit 9.9%-dən

Əməliyyat mənfəəti marjasının 2,4 faiz bəndi azala biləcəyini bildirən şirkət, marjalardakı itkilərin böyük hissəsinin 2023-cü ildə kompensasiya ediləcəyini və 2024-cü ildə tam bərpa olunacağını vurğulayıb.

Unileverin açıqlamasından sonra şirkətin səhmləri Londonda 3,2 faiz ucuzlaşıb.

Unilever-in maliyyə direktoru Qrema Pitketli bildirib ki, əmtəə qiymətləri təxminən 20 faiz artıb, lakin şirkətintədarükçülər ilə sövdələşmələri səbəbindən artım Unilever üçün daha aşağıdır.

Unilever keçən ay 1500 işçini ixtisar edəcəklərini və böyüməni sürətləndirmək üçün daxili strukturlaşmadan keçəcəklərini açıqlamışdı.

Unilever məhsullarına qida, ədviyyatlar, dondurma, vitaminlər, çay, qəhvə, səhər yeməyi məhsulları, təmizləyici maddələr, su, hava təmizləyiciləri, ev heyvanları üçün qidalar, diş pastası, gözəllik məhsulları və şəxsi qulluq məhsulları daxildir. Unilever dünyanın ən böyük sabun istehsalçısıdır. Unilever-in məhsulları təxminən 190 ölkədə satılır.

10.02.2022 21:18