Amerikalılar Superbuola baxmağa 14,6 milyard dollar xərcləyəcək

Amerikalılar Superbuola baxmağa 14,6 milyard dollar xərcləyəcək

Amerikalılar Superbuola baxmağa 14,6 milyard dollar xərcləyəcək

Amerikalılar fevralın 14-ü gecəsi keçiriləcək Amerika futbolu üzrə ABŞ çempionatının finalına - Superbuola baxmağa təxminən 14,6 milyard dollar xərcləyəcək.

Bu barədə məlumat Milli Riteylər Federasiyasının (NRF) tədqiqatında yer alıb.

Beləliklə, ötən il pandemiya səbəbındən son yeddi ildə ən aşağı səviyyəyə düşən xərclər (13,9 milyard dollar) xeyli artacaq. Bu göstərici üzrə maksimum 2020-ci ildə qeydə alınmışdı – 17,2 milyard dollar.

Ümumilikdə sırf idman hadisəsi çərçivəsindən çıxaraq kütləvi mədəniyyət hadisəsinə çevrilən Superboula 184,6 milyon amerikalının baxacağı gözlənilir. Televiziya translyasiyasına adambaşına baxış xərcləri orta hesabla bir il əvvəlki 74,55 dollara qarşı 78,92 dollar təşkil edəcək.

Əsas xərc yeməyə və içkilərə gedəcək – sorğu iştirakçılarının 79 faizi onları məxsusi olaraq oyuna görə almağı planlaşdırır. Respondentlərin 11 faizi geyim və komandanın başqa rəmzlərini almaq istəyir. Bu sırada bəzək-düzək (8 faiz), final oyunu münasibətilə yeni televizor (9 faiz) və mebel (5 faiz) almaq istəyənlər də var.

Superbuol ilin ən populyar televiziya hadisəsi olduğundan ən iri kompaniyalar bununla əlaqədar dünya miqyaslı məşhurların iştirakı ilə xüsusi reklam çarxları hazırlayır. Bu il 30 saniyəlik belə reklamın qiyməti ötən illə müqayisədə 18 faiz artaraq 6,5 milyon dollar təşkil edəcək.

Tarixdə 56-cı dəfə keçirilən budəfəki finalda Milli futbol liqasının (NFL) iki konferensiyasının qalibləri – “Sinsinatti Benqals” və “Los-Anceles Rems” komandaları qarşılaşacaq. Los-Anceles şəhəri yaxınlığındakı SoFi stadionunda baş tutacaq oyuna 100 minə yaxın tamaşaçı baxa biləcək. Lakin bunun üçün sərt anti-kovid qadalarına əməl etmək və xeyli məbləğ ödəmək lazım gələcək. Oyuna biletlərin əksəriyyəti satılıb, qalan biletlərin qiyməti 7,1 min dollardan başlayır. Vip-sektor üçün biletin qiyməti isə 25 min dollaradək qalxır.

08.02.2022 09:04

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az