ABŞ Mərkəzi Bankı (Fed) aktiv alışlarını azaldıb faiz dərəcələrini artırmağa hazırlaşarkən, Çin monetar yumşaldmağa doğru irəliləyir, pulunu ucuzlaşdırır və zəifləyən iqtisadi artımı dəstəkləmək üçün likvidlik təmin edir.

Marja xəbər verir ki, bazar ertəsi günü, 2020-ci ilin aprelindən bəri ilk dəfə olaraq, Çin Xalq Bankı (PBOC) banklar üçün illik kreditlər üzrə dərəcəsini 10 baza bəndi azaldaraq illik 2,85%-ə, həftəlik repo əməliyyatları üzrə isə eyni məbləğdə azaldaraq illik 2,1%-ə endirib.  

Çin tənzimləyicisi iri developerlərin çöküşü və iqtisadiyyatın yavaşlaması nəticəsində təzyiq altında olan bank sisteminə irimiqyaslı likvidlik yeridilməsi praktikasına qayıdıb.

Bazar ertəsi PBOC banklara 700 milyard yuan ortamüddətli kredit verib, 500 milyard geri qaytarılıb. Beləliklə, bir gündə 200 milyard yuan və ya 31 milyard dollar sistemə daxil olub.

“MBK borclanma xərclərini azaltmaq və kredit təklifini stimullaşdırmaq üçün siyasətin yumşaldılmasına keçidi sürətləndirir. Bu addım Çin iqtisadiyyatının zəif olduğunu göstərir”, - deyə "Guosheng Securities"in analitiki Yewei Yang bildirib.

Bazar ertəsi açıqlanan statistika göstərdi ki, dördüncü rübdə dünyanın ikinci ən böyük iqtisadiyyatında ÜDM artımı bir rüb əvvəlki 4.9%-dən 4%-ə qədər yavaşlayıb, pərakəndə satışlar isə 1.7% artıb, bu da - proqnozunun (3.8%) yarısıdır. 

İlin sonunda ixrac və idxal 21 faiz, sənaye istehsalı isə 9,6 faiz artsa da, kapital qoyuluşlarının həcmi cəmi 4,9 faiz artıb, infrastruktura investisiyaların artımı isə cüzi 0,4 faiz təşkil edib.

ING-nin iqtisadçısı İris Pang deyib ki, Çin iqtisadiyyatı ABŞ-la yenidən ticarət müharibəsi təhlükəsi altındadır: "Tramp administrasiyası ilə müqavilənin müddəti 2021-ci ilin noyabrında başa çatıb və heç bir tərəf onun şərtlərinə əməl etməyib.

Mərkəzi Bankın uçot dərəcəsinin azaldılması iqtisadi artımı dəstəkləmək məqsədi daşıyır, lakin FED ilə monetar siyasətdə fikir ayrılığını nəzərə alsaq, bunun yuana təzyiq göstərməsi ehtimalı var".

Çin valyutası 2020-ci ildə 6,5%, 2021-ci ildə isə daha 2,% dəyər qazanaraq 2018-ci ildə ticarət müharibəsinin başlamasından bəri yeni zirvələrə çatıb. Pang proqnozlaşdırır ki, yuan  ilin sonuna kimi 6,5-ə qədər ucuzlaşacaq.