Dolların məzənnəsinə bağlı Türk lirəsi depozit məhsulunun detalları açıqlandı

Dolların məzənnəsinə bağlı Türk lirəsi depozit məhsulunun detalları açıqlandı

Valyuta məzənnəsinə indeksli Türk lirəsi depozit məhsulunun detalları açıqlanıb.

Dolların məzənnəsinə bağlı Türk lirəsi depozit məhsulunun detalları açıqlandı

Türkiyənin Maliyyə Nazirliyi ölkə iqtisadiyyatının gündəmində olan məzənnəyə bağlı (indeksli) Türk lirəsi depozit məhsulunun detallarını açıqlayıb.

Marja.az xəbər verir ki, əmanət hesablarını 3, 6, 9 və 12 ay müddətlərinə açmaq mümkün olacaq. Müddətin sonunda məzənnənin dəyişməsinin faiz nisbəti əmanətin faizindən yüksək olması vəziyyətində yaranacaq fərq müştərinin hesabına TL-də olmaqla Maliyyə Nazirliyi tərəfindən köçürüləcək. Müddətdən əvvəl hesabdan pul çıxarılması vəziyyətində hesab müddətsiz hesaba çevriləcək, faiz almaq haqqı ortadan qalxacaq.

VTB-də yüksək depozit faizləri daha çox qazandırır

Məlumata görə, əmanətin açılış günü və son müddəti dövründə məzənnənin dəyişməsu nisbəti müqayisə ediləcək. Əgər məzənnənin artım nisbəti (Dolların bahalaşması faizi) əmanətin faizindən yüksək olarsa aradakı fərq təzminat olaraq əmanətçiyə ödəniləcək.

Məzənnə fərqinin hesablanması üçün Türkiyə Cümhuriyyəti Mərkəzi Bankı (TCMB) hər gün saat 11:00-də dolların məzənnəsini yayımlayacaq.

Əmanətin minimum faiz dərəcəsi TCMB-nin Pul Siyasəti Faiz Nisbəti olaraq tətbiq olunacaq.

Sistemə istəyən hər bank qoşula biləcək.

Xəbər verdiyimiz kimi, dünən Türkiyə Prezidenti Rəcəb Tayyib Ərdoğan Türk Lirəsi (TL) əmanətləri üzrə yeni aləti açıqlayıb.

Ərdoğan, "Məzənnə artımı ilə bağlı narahatlıqlarını aradan qaldırmaq istəyən vətəndaşlarımıza yeni maliyyə alternativi təklif edirik. Bu yeni alət aşağıdakı kimi işləyəcək: İnsanlarımızın bankdakı Türk Lirəsi əmanətlərinin faiz gəlirliliyi məzənnə artımından yüksək olarsa, bu gəliri alacaqlar. Əgər məzənnənin artması əmanətin qazancından yuxarı olarsa, fərq birbaşa vətəndaşlarımıza ödəniləcək və bu gəlir vergisindən azad olunacaq. Bundan sonra heç bir vətəndaşın əmanətlərini sırf məzənnə yüksək olacağı üçün Türk Lirəsindən xarici valyutaya dəyişməsinə ehtiyacı qalmayacaq”,- deyib.

21.12.2021 16:20

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az